ട്രാക്ടര്‍ ഓടിക്കവെ അപകടത്തില്‍പ്പെട്ട് കര്‍ഷകന്‍ മരിച്ചു.
മോറാഴ: ട്രാക്ടര്‍ മറിഞ്ഞ് ഡ്രൈവര്‍ മരിച്ചു. കണ്ണപുരം മൊട്ടമ്മല്‍ പി.പി. ബസ്റ്റോപ്പിന് സമീപത്തെ പി.പി.രവീന്ദ്രന്‍(67)ആണ് മരിച്ചത്. കര്‍ഷക സംഘം മോറാഴ വില്ലേജ് കമ്മറ്റിയുടെ ആഭിമുഖ്യത്തില്‍ മോറാഴയിലെ മുഴുവന്‍ തരിശ് സ്ഥലങ്ങളും കൃഷിയോഗ്യമാക്കുന്നതിന്റെ ഭാഗമായി മോറാഴ വയല്‍ ട്രാക്ടര്‍ മുഖേന സ്ഥലം വൃത്തിയാക്കുന്നതിനിടയിലാണ് തൊട്ടടുത്ത പാടശേഖരത്തിലേക്ക് ട്രാക്ടര്‍ ഓടിച്ചു പോകവെ അപകടത്തില്‍ പെട്ട് മരിച്ചത്. മോറാഴ കൃഷ്ണപ്പിള്ള സ്മാരക മന്ദിരം ബ്രദേര്‍സ് ക്ലബ്ബിന് സമീപത്ത് ഇന്ന് രാവിലെ 8.15 നാണ് അപകടം സംഭവിച്ചത്.
സി.പി.ഐ.എം. ചെമ്മരവയല്‍ രണ്ടാം ബ്രാഞ്ച് മെമ്പര്‍, കേരള പ്രവാസി സംഘം പാപ്പിനിശ്ശേരി ഏരിയാ കമ്മിറ്റി മെമ്പര്‍, കണ്ണപുരം ഈസ്റ്റ് വില്ലേജ് പ്രസിഡന്റ്. എന്നീ നിലകളില്‍ പ്രവര്‍ത്തിച്ച് വരുന്ന രവീന്ദ്രന്‍ വിദേശത്ത് ശക്തി തിയറ്റേഴ്‌സ് അബുദാബി മുന്‍ സ്‌പോര്‍ട്‌സ് സെക്രട്ടറിയായും മുസഫ
മേഖലയിലെ പ്രഥമ യൂണിറ്റുകള്‍ ആയ ഷാബിയ, സനയ്യ യൂണിറ്റുകള്‍ രൂപീകരിക്കുന്നതിന് നേതൃത്വപരമായ പങ്കുവഹിക്കുകയും, ഷാബിയ യൂണിറ്റിന്റെ കണ്‍വീനര്‍ ആയും പ്രവര്‍ത്തിച്ചിട്ടുണ്ട്. മുസ്സഫയില്‍ ശക്തി സംഘടന കെട്ടിപ്പടുക്കുന്നതില്‍ നിര്‍ണ്ണായക പങ്കു വഹിച്ചു.
പരേതരായ പുതിയ പുരയില്‍ കണ്ണന്‍-ചേരക്കാരന്‍ മാധവി ദമ്പതികളുടെ മകനാണ്. ഭാര്യ: കെ.പി.പ്രമീള(സി.പി.എം.ചെമ്മരവയല്‍ രണ്ടാം ബ്രാഞ്ച് മെമ്പര്‍, കുഞ്ഞിമംഗലം പറമ്പത്ത്). മക്കള്‍: പ്രയാഗ് (അബുദാബി), ഷോണ്‍ രവീന്ദ്രന്‍(ഹൈദരബാദ്). മരുമകള്‍: സിതാര (തൃക്കരിപ്പൂര്‍). സഹോദരങ്ങള്‍
നാരായണന്‍, ഗോപാലന്‍, രാജന്‍, ശ്യാമള, വത്സല, പത്മനാഭന്‍, സുരേശന്‍, വസന്ത. ശവസംസ്‌കാരം നാളെ 1511.2024 (വെള്ളി)ഉച്ചയ്ക്ക് 12 മണിക്ക് മൊട്ടമ്മല്‍ പൊതുശ്മശാനത്തില്‍