ദുബായിലും യു.കെ യിലുമായി മലയാളികളുടെ സംയുക്തസംരംഭം വരുന്നു-കെ.പി.മൊയ്തു പ്രൊജക്ട് കോ-ഓര്ഡിനേറ്റര്
ദുബായ്: യു.എ.ഇയിലെ പ്രമുഖ മലയാളി വ്യവസായികളുടെ സംയുക്തസംരംഭമായി അന്താരാഷ്ട്ര നിലവാരത്തിലുള്ള ഹോസ്പിറ്റല്, ഹോട്ടല്-ടൂറിസം തുടങ്ങിയ ഒട്ടേറെ പദ്ധതികള് വരുന്നു.
ദുബായിലും യു.കെ യിലുമായാണ് പ്രാഥമികഘട്ടത്തില് പദ്ധതികള് ആരംഭിക്കുന്നത്.
ദുബായ് ഇന്റര്നാഷണല് എയര്പോര്ട്ടിന് സമീപത്തെ പഞ്ചനക്ഷത്ര ഹോട്ടലായ ഗ്രാന്റ് ഹയാത്തില് കഴിഞ്ഞ ദിവസം ചേര്ന്ന ആലോചനാ യോഗത്തിലാണ് തീരുമാനം.
പൊതു-സാമൂഹ്യപ്രവര്ത്തകനും പരിയാരം കോരന്പീടിക സ്വദേശിയുമായ കെ.പി.മൊയ്തുവാണ് ഈ ബൃഹത് പദ്ധതികളുടെ കോ-ഓര്ഡിനേറ്ററായി പ്രവര്ത്തിക്കുന്നത്.
ഇത് സംബന്ധിച്ച ചര്ച്ചകള്ക്കായി അദ്ദേഹം കുടുംബസമേതം വിദേശത്താണുള്ളത്.