24 കുപ്പി മദ്യം 2 പേര്‍
തളിപ്പറമ്പ്: 24 കുപ്പി മദ്യവുമായി രണ്ടുപേര്‍ എക്‌സൈസിന്റെ പിടിയിലായി.
സ്‌ട്രൈക്കിംഗ് ഫോഴ്‌സ് ഡ്യൂട്ടിയുടെ ഭാഗമായി തളിപ്പറമ്പ് എക്‌സൈസ് സര്‍ക്കിള്‍ പ്രിവന്റീവ് ഓഫീസര്‍ എം.വി.അഷറഫും
സംഘവും ചെറുപുഴ ഭാഗങ്ങളില്‍ നടത്തിയ പരിശോധനയിലാണ് 24 കുപ്പി(12 ലിറ്റര്‍) ഇന്ത്യന്‍ നിര്‍മിത വിദേശ മദ്യവുമായി സുദിനേഷ്
(25), വേണു (46) എന്നിവരെ അറസ്റ്റ് ചെയ്തത്. ഇവരുടെ പേരില്‍ അബ്കാരി കേസെടുത്തു.
സിവില്‍ എക്‌സൈസ് ഓഫീസര്‍മാരായ കെ.ശരത്ത്, കെ.വി.ഷൈജു, പി.ആര്‍.വിനീത് എന്നിവരും റെയിഡ് സംഘത്തില്‍ ഉണ്ടായിരുന്നു.