മോര്‍-മെന്റര്‍ ഓര്‍ഗനൈസേഷന്‍ ഫോര്‍ റൂറല്‍ എംപവര്‍മെന്റ് എന്‍.ജി.ഒയുടെ ലോഗോ പ്രകാശനം ചെയ്തു.

കണ്ണൂര്‍: മോര്‍-മെന്റര്‍ ഓര്‍ഗനൈസേഷന്‍ ഫോര്‍ റൂറല്‍ എംപവര്‍മെന്റ് എന്‍.ജി.ഒയുടെ ലോഗോ പ്രകാശനം ജലവിഭവ വകുപ്പ് മന്ത്രി റോഷി അഗസ്റ്റിന്‍ നിര്‍വഹിച്ചു.

ഡയറക്ടര്‍ ടി.കിഷോര്‍ ലാല്‍ ചടങ്ങില്‍ അധ്യക്ഷതവഹിച്ചു.

വൈസ് പ്രസിഡന്റ് കെ.കരുണാകരന്‍ സ്വാഗതവും ട്രഷറര്‍ സഞ്ജയ് ഭാസ്‌കര്‍ നന്ദിയും പറഞ്ഞു.

 ഗ്രാമപ്രദേശങ്ങളിലെ സുസ്ഥിര വികസനം ലക്ഷ്യമിട്ടാണ് മോര്‍ എന്‍.ജി.ഒ പ്രവര്‍ത്തിക്കുന്നത്.

വിദ്യാഭ്യാസ മേഖലയില്‍ കരിയര്‍ ഗൈഡന്‍സ്, എല്ലാ മേഖലയിലും മുതിര്‍ന്നവര്‍ക്കും കുട്ടികള്‍ക്കും മോട്ടിവേഷന്‍ ട്രെയിനിങ്,

സ്‌കില്‍ ഡെവലപ്പ്‌മെന്റ് ട്രെയിനിങ്, ലീഡര്‍ഷിപ്പ് ട്രെയിനിങ്, കൗണ്‍സിലിങ്, എച്ച്.ഐ.വി. ബോധവല്‍കരണ പ്രവര്‍ത്തനങ്ങള്‍,

മയക്കുമരുന്നിനും ലഹരിക്കുമെതിരെ ബോധവത്കരണം, പ്ലാസ്റ്റിക് മാലിന്യം വലിച്ചെറിയുന്നതിനും കരുതലോടെയുള്ള ഉപയോഗത്തിനുമുള്ള ക്യാമ്പയിനുകള്‍,

ഗ്രീന്‍ ഏര്‍ത് ക്യാമ്പയിന്‍ തുടങ്ങി ഗ്രാമിണ സാമൂഹിക മേഖലകളില്‍ സുസ്ഥിര വികസനം ലക്ഷ്യമാക്കി ആണ് മോര്‍ പ്രവര്‍ത്തിക്കുക.

‘മോര്‍ വളന്റിയര്‍’ എന്ന ക്യാമ്പയിനിന്റെ ഭാഗമായി സാമൂഹത്തില്‍ നന്മ ചെയ്യാന്‍ ആഗ്രഹിക്കുന്ന വിദ്യാര്‍ത്ഥികള്‍ക്കും മുതിര്‍ന്നവര്‍ക്കും ‘മോര്‍ വളന്റിയര്‍ ‘ ക്യാമ്പയിനില്‍

വളന്റിയറായി രജിസ്റ്റര്‍ ചെയ്തുകൊണ്ട് ഗ്രാമീണ സുസ്ഥിര വികസന പ്രവര്‍ത്തനങ്ങളില്‍ പങ്കാളികളാകാന്‍ സാധിക്കുമെന്ന് മോര്‍ എന്‍.ജി.ഒ പ്രസിഡന്റ് തോമസ് ചൂരനോലില്‍ പറഞ്ഞു.