തെരുവ് നായ്ക്കളുടെ മിന്നല്‍ അറ്റാക്ക്- ആശാവര്‍ക്കര്‍ക്ക് വീണുപരിക്കേറ്റു.
തളിപ്പറമ്പ്: ഇരുചക്രവാഹനത്തിന് നേരെ തെരുവ് നായ്ക്കള്‍ കുതിച്ചെത്തി, ബാലന്‍സ് തെറ്റി മറിഞ്ഞുവീണ് യാത്രക്കാരായായ ആശാ വര്‍ക്കര്‍ക്ക് പരിക്കേറ്റു.
കുറുമാത്തൂര്‍ പി.എച്ച്.സിയിലെ ആശാ വര്‍ക്കര്‍ പൂമംഗലത്തെ ചന്ദ്രമതിക്കാണ്(53) പരിക്കേറ്റത്.
ഭര്‍ത്താവ് സുധീര്‍കുമാറിനോടൊപ്പം സഞ്ചരിക്കവെയാണ് റോഡരികില്‍ നിന്ന് തെരുവ് നായ്ക്കള്‍ ബൈക്കില്‍ സഞ്ചരിക്കുകയായിരുന്ന ഇവര്‍ക്ക് പേരെ തിരിഞ്ഞത്.
കടിക്കാന്‍ ഓടിയടുത്ത നായ്ക്കളില്‍ നിന്ന് രക്ഷപ്പെടാന്‍ ശ്രമിക്കുന്നതിനിടയിലാണ് വീണ് പരിക്കേറ്റത്.
ചന്ദ്രമതിക്ക് തളിപ്പറമ്പ് സഹകരണ ആശുപത്രിയില്‍ ചികില്‍സ നല്‍കി. മുഖത്തും കൈകള്‍ക്കും പരിക്കേറ്റിട്ടുണ്ട്.
ഡരികിലെ പൊന്തക്കാടുകള്‍ക്കിടയില്‍ നിന്നും നായ്ക്കള്‍ ഇരുചക്രവാഹന യാത്രികരെ അക്രമിക്കുന്നത് വ്യാപകമായതായി പരാതി ഉയര്‍ന്നിരിക്കയാണ്.