മോണ്‍.മാത്യു എം.ചാലില്‍(82) നിര്യാതനായി-സംസ്‌ക്കാരം നാളെ-

കരുവഞ്ചാല്‍: മോണ്‍.മാത്യു എം.ചാലില്‍(82)നിര്യാതനായി.

ഇന്ന് പുലര്‍ച്ചെ 5.30 ന് കരുവഞ്ചാലിലെ സെന്റ് ജോസഫ്‌സ് ആശുപത്രിയിലായിരുന്നു അന്ത്യം.

ദീര്‍ഘകാലം തലശേരി അതിരൂപതയുടെ വികാരി ജനറാള്‍ ആയിരുന്നു.

ചെമ്പേരി വിമല്‍ജ്യോതി എഞ്ചിനീയറിംഗ് കോളേജിന്റെ സ്ഥാപകനാണ്.

15 വര്‍ഷം കോര്‍പറേറ്റ് മാനേജരായി പ്രവര്‍ത്തിച്ചു.

ഏതാനും വര്‍ഷങ്ങളായി വൈദികവൃത്തിയില്‍ നിന്ന് വിരമിച്ച് കരുവഞ്ചാലിലെ വൈദികമന്ദിരത്തില്‍ വിശ്രമജീവിതം നയിച്ചുവരികയായിരുന്നു.

ദീപിക ദിനപത്രത്തിന്റെ സി.എം.ഡിയായിരുന്നു.

ബിഷപ്പ് വള്ളോപ്പിള്ളി ഫൗണ്ടേഷന്റെസ്ഥാപകരിലൊരാളും രക്ഷാധികാരിയുമായിരുന്നു.

തലശേരി അതിരൂപതയുടെ പുരോഗതിക്ക് മുഖ്യപങ്കുവഹിച്ച വ്യക്തിത്വമാണ്.

ഭൗതികശരീരം രാവിലെ എട്ടുമുതല്‍ ഉച്ചകഴിഞ്ഞ് 4 വരെ കരുവഞ്ചാല്‍ പ്രീസ്റ്റ്‌ഹോമിലും നാലുമുതല്‍ ആറുവരെ ചെമ്പേരിയിലെ ഭവനത്തിലും ആറു മുതല്‍ ചെമ്പേരി ലൂര്‍ദ്ദ്മാതാ ഫൊറോന ദേവാലയത്തിലും പൊതുദര്‍ശനത്തിന് വെക്കും.

നാളെ(6-3-23) തിങ്കളാഴ്ച്ച രാവിലെ 10 മുതല്‍ 11 വരെ ചെമ്പേരി വിമല്‍ജ്യോതി എഞ്ചിനീയറിംഗ് കോളേജിലും പൊതുദര്‍ശനത്തിന് വെച്ചശേഷം മൃതസംസ്‌ക്കാര ശുശ്രൂഷകള്‍ ഉച്ചകഴിഞ്ഞ് 2.30 ന് ചെമ്പേരി ലൂര്‍ച്ച്മാതാ ദേവാലയത്തില്‍ നടക്കുമെന്ന് അതിരൂപത ആര്‍ച്ച്ബിഷപ്പ് മാന്‍ ജോസഫ് പാംപ്ലാനി അറിയിച്ചു.