മൂത്തേടത്ത് ഹയര്‍സെക്കണ്ടറി സ്‌കൂള്‍ അധ്യാപിക എ.ദേവികക്ക് ഡോക്ടറേറ്റ്-
തളിപ്പറമ്പ്: ഇംഗ്ലീഷ് ലാംഗ്വേജ് ടീച്ചിങ്ങില്‍ തൃച്ചംബരത്തെ എ.ദേവികക്ക് ഡോക്ടറേറ്റ്.
കോയമ്പത്തൂര്‍ ഭാരതീയാര്‍ യൂണിവേഴ്‌സിറ്റിയില്‍ നിന്നാണ് ഡോക്ടറേറ്റ് ലഭിച്ചത്.
പോണ്ടിച്ചേരി യൂണിവേഴ്‌സിറ്റി ഇംഗ്ലീഷ് വിഭാഗം മുന്‍ ഫാക്കല്‍ട്ടിയും ഹിന്ദുസ്ഥാന്‍ യൂണിവേഴ്‌സിറ്റി റിട്ട. പ്രഫസറുമായിരുന്ന ഡോ.പി.ഭാസ്‌ക്കരന്‍നായരുടെ മാര്‍ഗ്ഗ നിര്‍ദേശകത്വത്തിലായിരുന്നു ഗവേഷണം.
പാലക്കാട് നെല്ലായ സ്വദേശി പരേതനായ പി.രാധാകൃഷ്ണ വാര്യരുടെയും തളിപ്പറമ്പ് സീതി സാഹിബ് ഹൈസ്‌ക്കൂള്‍
റിട്ട.ഇംഗ്ലീഷ് അധ്യാപികയും തളിപ്പറമ്പ് ചിന്മയ വിദ്യാലയ മുന്‍ പ്രിന്‍സിപ്പലുമായിരുന്ന എ.സുഭദ്രയുടെയും മകളാണ്.
തിരുവനന്തപുരം സെക്രട്ടേറിയറ്റില്‍ ഫിനാന്‍സ് കമ്മീഷനില്‍ (അര്‍ബന്‍ അഫയേഴ്‌സ് ) ജോയിന്റ് ഡയറക്ടറായ പി.രാധാകൃഷ്ണന്റെ ഭാര്യയാണ്.
തളിപ്പറമ്പ് മൂത്തേടത്ത് ഹയര്‍ സെക്കന്ററി സ്‌ക്കൂള്‍ പ്ലസ് ടു ഇംഗ്ലീഷ് അധ്യാപികയാണ്.