ബസ് സമരം പിന്‍വലിച്ചിട്ടില്ലെന്നും-കണ്ണൂര്‍ റൂട്ടിലും വ്യാപിപ്പിക്കുമെന്നും തൊഴിലാളികള്‍-
തളിപ്പറമ്പ്: ബസ് സമരം പിന്‍വലിച്ചിട്ടില്ലെന്നും നാളെ മുതല്‍ സമരം തളിപ്പറമ്പ് കണ്ണൂര്‍ റൂട്ടിലേക്കും വ്യാപിപ്പിക്കുമെന്നും പണിമുടക്കുന്ന ഒരു വിഭാഗം ബസ് തൊഴിലാളികള്‍ അറിയിച്ചു.
തങ്ങള്‍ക്ക് നീതികിട്ടിയിട്ടില്ലെന്നും, പ്രതികളായ വിദ്യാര്‍ത്ഥികളെ വധശ്രമക്കേസെടുത്ത് റിമാന്‍ഡ് ചെയ്യണമെന്ന നിലപാടില്‍ ഉറച്ചുനില്‍ക്കുകയാണെന്നും തൊഴിലാളികള്‍ പറഞ്ഞു.
നേരത്തെ സി.ഐ.ടി.യു മോട്ടോര്‍ തൊഴിലാളി യൂണിയന്‍ നേതാവ് രാജന്‍ ബസ് സമരം പിന്‍വലിച്ചുവെന്നും നാളെ രാവിലെ മുതല്‍ ഓടിത്തുടങ്ങുമെന്നും കണ്ണൂര്‍ ഓണ്‍ലൈന്‍ന്യൂസിനോട് പറഞ്ഞിരുന്നു.
ഇത് തള്ളിക്കളഞ്ഞാണ് ഒരു വിഭാഗം തൊഴിലാളികള്‍ സമരത്തില്‍ ഉറച്ചുനില്‍ക്കുന്നത്.