സി.എച്ച്. കമ്മാരന്‍ മാസ്റ്റര്‍ സ്മാരക യു.പി.സ്‌കൂളില്‍ പ്രീ-പ്രൈമറി പ്രവേശനോത്സവം നടന്നു.
മോറാഴ: സി.എച്ച്.കമ്മാരന്‍ മാസ്റ്റര്‍ സ്മാരക യു.പി.സ്‌കൂള്‍ പ്രി-പ്രൈമറി പ്രവേശനോത്സവം ഉദ്ഘാടനം പ്രമുഖ വിദ്യാഭ്യാസ പ്രവര്‍ത്തകനും റിട്ട.അധ്യാപകനുമായ വി.വി.രവീന്ദ്രന്‍ മാസ്റ്റര്‍ നിര്‍വ്വഹിച്ചു.
പ്രധാനാദ്ധ്യാപിക ബി.ജയശ്രീ ടീച്ചര്‍ അധ്യക്ഷത വഹിച്ചു.
വാര്‍ഡ് കൗണ്‍സിലര്‍ സി. പി.മുഹാസ്, മാനേജ്‌മെന്റ് പ്രതിനിധി എന്‍.ശശിധരന്‍, സംസ്‌കൃതം അധ്യാപിക കെ.സൗമ്യ ടീച്ചര്‍ എന്നിവര്‍് പ്രസംഗിച്ചു.
സ്റ്റാഫ് സെക്രട്ടറി കെ. രാജീവന്‍ മാസ്റ്റര്‍ സ്വാഗതവും എസ്.ആര്‍ ജി കണ്‍വീനര്‍ പ്രതീഷ് മാസ്റ്റര്‍ നന്ദിയും പറഞ്ഞു.’
എന്റെ സ്‌കൂള്‍ മുറ്റത്തെ സെല്‍ഫി പോയിന്റില്‍ നിന്നൊരു സെല്‍ഫി’ എന്ന പരിപാടി കുട്ടികള്‍ക്കായി സംഘടിപ്പിച്ചു.
മുഴുവന്‍ കുട്ടികള്‍ക്കും രക്ഷിതാക്കള്‍ക്കും മധുര പലഹാരവും വിതരണം ചെയ്തു.