സി.പി.ദാമോദരന്‍ പുരസ്‌ക്കാരം ഐ.വി.ശിവരാമന്-അനുസ്മരണ സമ്മേളനം 24 ന്
പരിയാരം: കേരള ഫുഡ് ഹൗസ ആന്റ് കാറ്ററിംഗ് സൊസൈറ്റി ഏര്‍പ്പെടുത്തിയ പ്രഥമ സി.പി.ദാമോദരന്‍ പുരസ്‌ക്കാര സമര്‍പ്പണവും അനുസ്മരണ സമ്മേളനവും 24 ന് വൈകുന്നേരം 3.30 ന് കണ്ണൂര്‍ ഗവ.മെഡിക്കല്‍ കോളേജ് ഓപ്പണ്‍ ഓഡിറ്റോറിയത്തില്‍ നടക്കും.
എം.വിജിന്‍ എം.എല്‍.എ. ഉദ്ഘാടനം ചെയ്യും. കേരള ഫുഡ് ഹൗസ് പ്രസിഡന്റ് വി.പി.പ്രവീണ്‍ നമ്പ്യാര്‍ അധ്യക്ഷത വഹിക്കും.
സഹകരണ രംഗത്തെ മികച്ച പ്രവര്‍ത്തനത്തിന് ഐ.വി.ശിവരാമന് സി.പി.ദാമോദരന്‍ പുരസ്‌ക്കാരം എം.എല്‍.എ സമ്മാനിക്കും.
ഇന്ത്യന്‍ കോഫി ഹൗസിന്റെ മുന്‍ പ്രസിഡന്റും നിലവില്‍ പിലാത്തറ സഹകരണ ആര്‍ട്‌സ് ആന്റ് സയന്‍സ് കോളേജ് പ്രസിഡന്റുമാണ് ഐ.വി.ശിവരാമന്.
മെഡിക്കല്‍ കോളേജ് പ്രിന്‍സിപ്പാള്‍ ഡോ.കെ.അജയകുമാര്‍ ചടങ്ങില്‍ മുഖ്യാതിഥിയായിരിക്കും. മെഡിക്കല്‍ സൂപ്രണ്ട് ഡോ.കെ.സുദീപ്,
അസി.രജിസ്ട്രാര്‍ ഇ.അജിത, സി.പി.എം.മാടായി ഏരിയാ സെക്രട്ടറി കെ.പത്മനാഭന്‍, ഐ.എന്‍.ടി.യു.സി കല്യാശേരി മണ്ഡലം സെക്രട്ടറി കെ.രാമദാസ്,
സി.എം.പി.സംസ്ഥാന കമ്മറ്റി അംഗം സുധീഷ് കടന്നപ്പള്ളി, പി.കെ.ശ്രീവത്സന്‍, മാണിക്കര ഗോവിന്ദന്‍ എന്നിവര്‍ പ്രസംഗിക്കും.
പത്രസമ്മേളനത്തില്‍ പി.പി.പ്രവീണ്‍ നമ്പ്യാര്‍, പി.കെ.ശ്രീവത്സന്‍, മാണുക്കര .ഗോവിന്ദന്‍, കെ.പി.സന്തോഷ്, സി.വി.ജനാര്‍ദ്ദനന്‍, സി.ദിനേശന്‍, എന്‍.വി.പ്രവീണ്‍ എന്നിവര്‍ പങ്കെടുത്തു.