മദ്യക്കടത്ത് തടയാന്‍ കടലിലും-
തലശേരി: ഓണം സ്‌പെഷ്യല്‍ െ്രെഡവിന്റെ ഭാഗമായി കടല്‍ വഴിയുള്ള അനധികൃത മദ്യകടത്തും മയക്കുമരുന്നുകളുടെ വിപണനവും തടയുക എന്ന ലക്ഷ്യത്തോടു കൂടി
തലശ്ശേരി എക്‌സൈസ് റെയ്ഞ്ചും തലശ്ശേരി തീരദേശ പോലീസും സംയുക്തമായി തലായി മത്സ്യബന്ധന തുറമുഖത്തു നിന്നും പുറപ്പെട്ട് പുറംകടലില്‍ പട്രോളിംഗ് നടത്തി.
സംഘത്തില്‍ എക്‌സൈസ് ഇന്‍സ്‌പെക്ടര്‍ കെ.പി.ഹരീഷ്‌കുമാര്‍, പ്രിവെന്റീവ് ഓഫീസര്‍ ടി.സന്തോഷ്, സിവില്‍ എക്‌സൈസ് ഓഫീസര്‍മാരായ കെ.ബൈജേഷ്, പി.ബഷീര്‍, ടി.കെ.പ്രദീഷ്,
വനിതാ സിവില്‍ എക്‌സൈസ് ഓഫീസര്‍ ജെസ്‌ന ജോസഫ്, കോസ്റ്റല്‍ പോലീസ് എ എസ് ഐ മാരായ എന്‍.ഷീജി, സൗജിത്, സീനിയര്‍ സിവില്‍ പോലീസ് ഓഫീസര്‍ രതീശന്‍, കോസ്റ്റല്‍ വാര്‍ഡന്‍ സുഹാസ്, സ്രാങ്ക് അംജിത് എന്നിവരും ഉണ്ടായിരുന്നു.