കഞ്ചാവുമായി പാപ്പിനിശേരിയിലും തളിപ്പറമ്പിലും രണ്ടുപേര്‍ പിടിയില്‍.
പാപ്പിനിശേരി: കഞ്ചാവുമായി യുവാവ് പിടിയില്‍. മാട്ടൂല്‍ സൗത്ത് സ്ട്രീറ്റ് നമ്പര്‍ 36 ഖിളര്‍പള്ളിക്ക് സമീപത്തെ സബക്ക വീട്ടില്‍ മുഹമ്മദ്കുഞ്ഞിയുടെ മകന്‍ സാമുല്‍ റാസി സബക്ക(31)നെയാണ് പാപ്പിനിശേരി റെയിഞ്ച് എക്‌സൈസ് ഇന്‍സ്‌പെക്ടര്‍ എ.ഹേമന്ദ്കുമാറും സംഘവും പിടികൂടിയത്.
പാപ്പിനിശേരി, ചെറുകുന്ന്, പഴയങ്ങാടി, മാടായി ഭാഗങ്ങളില്‍ നടത്തിയ റെയിഡിനിടയിലാണ് ഇയാള്‍ കുടുങ്ങിയത്. 25-ഗ്രാം കഞ്ചാവ് പിടിച്ചെടുത്തു.
സാമുല്‍റാസിയുടെ പേരില്‍ എന്‍.ഡി.പി.എസ് കേസെടുത്തു. പ്രിവന്റിവ് ഓഫീസര്‍ ടി.സന്തോഷ്, സിവില്‍ എക്‌സൈസ് ഓഫീസര്‍മാരായ കലേഷ്, വിനോദ്, ഷഫീക്ക് എന്നിവരും റെയിഡ് നടത്തിയ സംഘത്തില്‍ ഉണ്ടായിരുന്നു.
തളിപ്പറമ്പ് റെയ്ഞ്ച് എക്‌സൈസ് ഇന്‍സ്‌പെക്ടര്‍ ടി.വി.രാമചന്ദ്രനും സംഘവും ചേര്‍ന്ന് തളിപ്പറമ്പ് ചിറവക്ക് ഭാഗത്ത് നടത്തിയ പരിശോധനയില്‍ 10 ഗ്രാം കഞ്ചാവ് സഹിതം പുഷ്പഗിരിയിലെ കെ.ടി.ഹൗസില്‍ അസീനിന്റെ മകന്‍ കെ.ടി. ഹാഷിര്‍(26) നെ അറസ്റ്റ് ചെയ്തു.
പ്രിവന്റീവ് ഓഫീസര്‍ എ.അസീസ്, ഗ്രേഡ് പ്രിവന്റീവ് ഓഫീസര്‍ പി.കെ.രാജീവന്‍, സിവില്‍ എക്‌സൈസ് ഓഫീസര്‍മാരായ പി.പി.രജിരാഗ, ഉല്ലാസ് ജോസ്, സി.വി.അനില്‍കുമാര്‍ എന്നിവരും പരിശോധനാ സംഘത്തില്‍ ഉണ്ടായിരുന്നു.