ഏകമകള് അമ്മ നോക്കിനില്ക്കെ ട്രെയിനിടിച്ച് മരിച്ചു.
കണ്ണൂര്: കണ്ണൂരില് പ്ലസ് വണ് വിദ്യാര്ഥിനി ട്രെയിന് തട്ടി മരിച്ചു. അലവില് നിച്ചുവയല് സ്വദേശി നന്ദിത ടി.കിഷോര് (16) ആണ് മരിച്ചത്.
ഇന്ന് രാവിലെ ചിറക്കല് ഗെയിറ്റില് വച്ചാണ് അപകടമുണ്ടായത്. അമ്മയുടെ കണ്മുന്നില് വച്ചാണ് നന്ദിതയെ ട്രെയിന് തട്ടിയത്.
കുട്ടിയെ വാഹനത്തില് സ്കൂളില് കൊണ്ടു വിടാനായി മാതാവ് എത്തുകയായിരുന്നു.
റെയില്വേ ട്രാക്കിന് അപ്പുറത്ത് കുട്ടിയെ വിട്ട് മാതാവ് മടങ്ങാനിരിക്കെ ട്രെയിന് വരുന്നത് ശ്രദ്ധിക്കാതെ കുട്ടി ട്രാക്ക് മുറിച്ച് കടക്കുന്നതിനിടെയാണ് അപകടമുണ്ടായത്.
ഉടന് തന്നെ കണ്ണൂര് സ്വകാര്യ ആശുപത്രിയില് പ്രവേശിപ്പിച്ചെങ്കിലും മരണപ്പെടുകയായിരുന്നു. ഇവരുടെ ഏകമകളാണ് നന്ദിത.