സേനാപതി തിരിച്ചുവരുന്നു-അഴിമതിക്കാര് ജാഗ്രതൈ-ഇന്ത്യന്-2 ജൂണില്.
ചെന്നൈ: ആരാധകര് ഏറെ പ്രതീക്ഷയോടെ കാത്തിരുന്ന കമല്ഹാസനെ നായകനാക്കി ശങ്കര് സംവിധാനം ചെയ്യുന്ന ഇന്ത്യന് 2 ജൂണില് തിയറ്ററുകളില് എത്തും. ചിത്രത്തിന്റെ പുതിയ പോസ്റ്റര് അണിയറ പ്രവര്ത്തകര് പുറത്തുവിട്ടു. ലൈക പ്രൊഡക്ഷന്സിന്റെ ഒഫീഷ്യല് ട്വിറ്റര് അകൗണ്ടിലാണ് റിലീസ് പ്രഖ്യാപിച്ചുകൊണ്ടുള്ള പോസ്റ്റര് പുറത്തുവിട്ടത്.
സേനാപതിയുടെ മടങ്ങിവരവിനായി ഒരുങ്ങിക്കോളൂ! എന്ന കുറിപ്പോടെയാണ് പോസ്റ്റര് റിലീസ് ചെയ്തത്. ലൈക പ്രൊഡക്ഷന്സിന്റെ ബാനറില് സുബാസ്കരന്, റെഡ് ജെയന്റ് മൂവീസ് എന്നിവര് ചേര്ന്നാണ് ഈ ബിഗ് ബജറ്റ് ചിത്രം നിര്മിക്കുന്നത്. 1996-ലെ ബോക്സ് ഓഫീസ് റെക്കോര്ഡുകള് തകര്ത്ത ഇന്ത്യന് എന്ന ചിത്രത്തിന്റെ രണ്ടാം ഭാഗമാണ് ഇന്ത്യന് 2.