ജയ്ഹിന്ദിന്റെ പ്രവര്‍ത്തനംമാതൃകാപരം, അവിസ്മരണീയം ഡോ കെ വി ഫിലോമിന
തളിപ്പറമ്പ്: ഈ കോവിഡ് മഹാമാരികാലത്ത് നിര്‍ദ്ധനരെയും നിരാലംബരെയും സഹായിക്കുന്ന
തളിപ്പറമ്പിലെ ജയ്ഹിന്ദ് ചാരിറ്റി സെന്ററിന്റെ പ്രവര്‍ത്തനം അവിസ്മരണീയമാണെന്ന് ശ്രീകണ്ഠപുരം മുന്‍സിപ്പല്‍ ചെയര്‍പേഴ്‌സണ്‍ ഡോ കെ വി ഫിലോമിന അഭിപ്രായപ്പെട്ടു.
ജയ്ഹിന്ദ് ചാരിറ്റി സെന്ററിന്റെ ആഭിമുഖ്യത്തില്‍ നടന്ന പ്രതിമാസ മരുന്ന് വിതരണത്തിന്റെയും ഉദ്ഘാടനം നിര്‍വഹിച്ചു സംസാരിക്കുകയായിരുന്നു അവര്‍.
ചടങ്ങില്‍ ഉന്നത വിജയം നേടിയ പ്രതിഭകളെ ആദരിച്ചു. ജയ്ഹിന്ദ് പ്രസിഡന്റ് കെ വി ടി മുഹമ്മദ് കുഞ്ഞി അധ്യക്ഷത വഹിച്ചു.
ചപ്പാരപ്പടവ് ഗ്രാമപഞ്ചായത്ത് പ്രസിഡന്റ് സുനിജ ബാലകൃഷ്ണന്‍ മുഖ്യപ്രഭാഷണം നടത്തി. രജനിരാമാനന്ദ്, മാവില പത്മനാഭന്‍, സുനീര്‍ ഞാറ്റുവയല്‍, എന്നിവര്‍ സംസാരിച്ചു.
കെ.വി.മഹേഷ് സ്വാഗതവും പ്രജീഷ് കൃഷ്ണന്‍ നന്ദിയും പറഞ്ഞു.