കെ.എം.രാധികക്ക് മികച്ച ക്ഷീരസംഘം സെക്രട്ടെറിക്കുള്ള ക്ഷീരമിത്ര അവാര്‍ഡ്.
പിലാത്തറ: ജില്ലയിലെ ഏറ്റവും മികച്ച ക്ഷീരസംഘം സെക്രട്ടെറിക്കുള്ള ക്ഷീരവികസന വകുപ്പിന്റെ ക്ഷീരമിത്ര അവാര്‍ഡിന് ചെറുതാഴം ക്ഷീരവ്യവസായ സഹകരണ സംഘത്തിലെ കെ.എം.രാധിക അര്‍ഹയായി.
കഴിഞ്ഞ 12 വര്‍ഷമായി സംഘം സെക്രട്ടെറിയായി പ്രവര്‍ത്തിച്ചുവരികയാണ്.
ചെറുതാഴം മില്‍ക്ക് എന്ന പേരില്‍ ജനപ്രിയമായ പാലും പാലുല്‍പ്പന്നങ്ങളും വിപണിയില്‍ ഇറക്കി പ്രശസ്തമായ ചെറുതാഴം ക്ഷീരസംഘത്തിന്റെ വളര്‍ച്ചയില്‍ നിര്‍ണായകമായ പങ്കാണ് ഇവര്‍ വഹിച്ചുവരുന്നത്.
പിലാത്തറയിലെ കെ.എം.ബാലകൃഷ്ണന്‍-പത്മാവതി ദമ്പതികളുടെ മകളാണ്.
ബേക്കറിയുടമ കെ.രാജേഷാണ് ഭര്‍ത്താവ്.
മക്കള്‍: ഗോപികാരാജ്, ദിവാന്‍രാജ്.