മൂന്നാറിലേക്ക് പോകാം-വെറും 1850 രൂപക്ക്-ENJOY WITH K S R T C
കണ്ണൂര്‍: കെഎസ്ആര്‍ടിസി കണ്ണൂര്‍ യൂണിറ്റിലെ ബജറ്റഡ് ടൂറിസം സെല്ലിന്റെ നേതൃത്വത്തില്‍ കണ്ണൂരില്‍ നിന്നും മൂന്നാറിലേക്ക് ഉല്ലാസ യാത്ര സംഘടിപ്പിക്കുന്നു.
ഫെബ്രുവരി 27 മുതല്‍ കണ്ണൂര്‍ ഡിപ്പോയില്‍ നിന്ന് യാത്ര തുടങ്ങുന്നതോടെ മലബാര്‍ മേഖലയില്‍ നിന്നും ഇടുക്കി ഹൈറേഞ്ചിലേക്ക് കുറഞ്ഞ ചെലവില്‍ ഉല്ലാസ യാത്ര സാധ്യമാകും.
മൂന്നാറിലെ തേയില ഫാക്ടറി, ടീ മ്യൂസിയം, ടോപ് സ്‌റ്റേഷന്‍, കുണ്ടള തടാകം, ഇക്കോ പോയിന്റ്, മാട്ടുപ്പെട്ടി അണക്കെട്ട്, ഫഌര്‍ ഗാര്‍ഡന്‍ എന്നിവയാണ് യാത്രയിലൂടെ കാണാനാകുക.
കെഎസ്ആര്‍ടിസിയുടെ ടിക്കറ്റിതര വരുമാനം വര്‍ധിപ്പിക്കുന്നതിന്റെ ഭാഗമായാണ് യാത്ര സംഘടിപ്പിക്കുന്നത്.
മൂന്നാറില്‍ എ സി സ്ലീപ്പര്‍ ബസില്‍ താമസവും കാഴ്ചകള്‍ കാണുന്നതും ഉള്‍പ്പെടെ 1850 രൂപയാണ് ടിക്കറ്റ് നിരക്ക്.
ഭക്ഷണ ചെലവും എന്‍ട്രി ഫീസും യാത്രക്കാര്‍ വഹിക്കണം.
ഇത് ഉപയോഗപ്പെടുത്തിയാല്‍ ചെറുസംഘമായി യാത്ര ചെയ്യുന്നവര്‍ക്ക് കുറഞ്ഞ ചെലവില്‍ മൂന്നാര്‍ കണ്ട് മടങ്ങാം.
അന്വേഷണങ്ങള്‍ക്കും ബുക്കിങ്ങിനും രാവിലെ ഒമ്പത് മുതല്‍ വൈകിട്ട് ആറ് മണി വരെ 9496131288, 8089463675 എന്നീ നമ്പറുകളില്‍ ബന്ധപ്പെടാം.
മറ്റു സമയങ്ങളില്‍ വാട്ട്‌സാപ്പ് വഴിയും ബുക്ക് ചെയ്യാം.