സ്വാതന്ത്ര്യദിനാഘോഷവും സ്‌കോളര്‍ഷിപ്പ് വിതരണവും-സ്‌കോളര്‍ഷിപ്പുകളും ക്യാഷ് അവാര്‍ഡുകളും വിതരണം ചെയ്തു
.
തളിപ്പറമ്പ്: മൂത്തേടത്ത് ഹയര്‍സെക്കന്ററി സ്‌കൂളില്‍ 76-ാം സ്വാതന്ത്ര്യദിനം വിപുലമായ പരിപാടികളോടെ ആഘോഷിച്ചു.
പ്രിന്‍സിപ്പാള്‍ ടി.പ്രവീണ്‍ പതാകയുയര്‍ത്തിയ ചടങ്ങില്‍ ഹെഡ്മിസ്ട്രസ് വി.രസിത, പി.ടി.എ പ്രസിഡന്റ് ടി.വി.വിനോദ്
കെ.വി.പ്രദീപന്‍, പി.ശശീന്ദ്രന്‍, കെ.പി.ദാമോദരന്‍, സ്‌കൂള്‍ മാനേജര്‍ അഡ്വ.വിനോദ് രാഘവന്‍ എന്നിവര്‍ സ്വാതന്ത്ര്യദിനാശംസകള്‍ നേര്‍ന്നു. സ്വാതന്ത്ര്യ ദിനപരേഡുംനടന്നു.
തുടര്‍ന്ന് മുന്‍വര്‍ഷത്തെ എസ്.എസ്എല്‍ സി, പ്ലസ് ടു വിജയികളില്‍ മുഴുവന്‍ വിഷയങ്ങളിലും എ-പ്ലസ് നേടിയ കുട്ടികള്‍ക്ക് സ്‌കൂള്‍ മാനേജ്‌മെന്റ് ഏര്‍പ്പെടുത്തിയ ക്യാഷ് അവാര്‍ഡും വ്യക്തിപരമായ നേട്ടം കരസ്ഥമാക്കിയ പ്രതിഭകള്‍ക്കുള്ള വിവിധ ക്യാഷ് അവാര്‍ഡുകളും വിതരണം ചെയ്തു
ചടങ്ങില്‍ ജില്ലാ ജഡ്ജി എം.പി.ഷിബു (Special court for Atrocities against Women and Children, Thiruvananthapuram) മുഖ്യാതിഥിയായിരുന്നു.
സ്‌ക്കൂള്‍ കമ്മിറ്റി പ്രസിഡന്റ് പി.മോഹനചന്ദ്രന്‍, മാനേജര്‍ അഡ്വ.വിനോദ് രാഘവന്‍, അഡ്വ. പി.വി.ശ്രീധരന്‍ നമ്പ്യാര്‍, മുന്‍ മാനേജര്‍ അഡ്വ. ജി.ഗിരീഷ്, പ്രിന്‍സിപ്പാള്‍ ടി.പ്രവീണ്‍, ഹെഡ്മിസ്ട്രസ് വി.രസിത,
ഡെപ്യൂട്ടി എച്ച്എം കെ.വി പ്രദീപന്‍, പി ടി എ പ്രസിഡന്റ് ടി.വി.വിനോദ് എന്നിവരും മാനേജ്‌മെന്റ് കമ്മിറ്റി അംഗങ്ങളും പങ്കെടുത്തു. സ്റ്റാഫ് സെക്രട്ടറി പി.വി.മിദ്‌ലജ് നന്ദി പറഞ്ഞു.