ശ്രീകൃഷ്ണസേവാസമിതിയുടെ നവരാത്രി ആഘോഷം ഒക്ടോബര്‍ 1 മുതല്‍ 4 വരെ.
തളിപ്പറമ്പ്: തൃച്ചംബരം ശ്രീകൃഷ്ണസേവാസമിതിയുടെ ആഭമുഖ്യത്തില്‍ നവരാത്രി ആഘോഷം ഒക്ടോബര്‍ 1 മുതല്‍ 4 വരെ തൃച്ചംബരം പൂന്തുരുത്തിത്തോടിന് സമീപം നടക്കും.
ഉദ്ഘാടനം ഒക്ടോബര്‍ ഒന്നിന് ശനിയാഴ്ച്ച രാത്രി 7 ന് ഐഡിയ സ്റ്റാര്‍ സിംഗര്‍ഫെയിം റോഷന്‍ നിര്‍വ്വഹിക്കും.
സേവാസമിതി പ്രസിഡന്റ് ഇ.വേണുഗോപാല്‍ അധ്യക്ഷത വഹിക്കും. സെക്രട്ടെറി അശോക് കുമാര്‍ സ്വാഗതവും രാജേഷ് പുത്തലത്ത് നന്ദിയും പറയും.
തുടര്‍ന്ന് ഡോ.ഭാനുമതി ടീച്ചര്‍ നേതൃത്വം നല്‍കുന്ന തിരുവാതിരക്കളിയും സംഗീതകച്ചേരിയും.
ഒക്ടോബര്‍ രണ്ടിന് ഞായറാഴ്ച്ച രാത്രി 7 മുതല്‍ പരിയാരം ചിലമ്പൊലിയുടെ നൃത്തനൃത്യങ്ങള്‍.
3 ന് രാത്രി 7 മുതല്‍ ഭക്തിഗാനമേള. 4 ന് രാത്രി 7 ന് മുകേഷ് കളമ്പുകാടിന്റെ പ്രഭാഷണവും തുടര്‍ന്ന് ഭജന്‍സും.