സൗജന്യമായി പരിശീലിപ്പിക്കും – പടവില്‍ സമ്പത്ത് റെഡിയാണ്.
ലോ ഓഫ് അട്രാക്ഷന്‍ നിയമങ്ങള്‍ ജീവിതത്തില്‍ പകര്‍ത്താനായതിന്റെ അനുഭവങ്ങള്‍ സമ്പത്ത് വിവരിക്കുമ്പോള്‍ വിസ്മയത്തോടെയല്ലാതെ കേട്ട് നില്‍ക്കാനാകില്ല.
കരിമ്പം കെ.പി.രാജീവന്‍
തളിപ്പറമ്പ്: നിങ്ങള്‍ക്ക് ഏതെങ്കിലും മോട്ടിവേഷന്‍ വിഷയത്തില്‍ പരിശീലനം വേണോ? സൗജന്യമായി സ്ഥലത്തു വന്ന് പരിശീലിപ്പിക്കാന്‍ ആളുണ്ട്.
മാനേജിംഗ് സ്ട്രസ്സ് ടു സക്‌സസ്, ആങ്കര്‍ മാനേജ്‌മെന്റ് എന്നീ വിഷയങ്ങളില്‍ ശ്രദ്ധേയനായ പരിശീലകന്‍ പടവില്‍ സമ്പത്താണ് സൗജന്യ പരിശീലനവുമായി രംഗത്തു വന്നിരിക്കുന്നത്.
ക്ലബ്ബുകള്‍, വായനശാലകള്‍, യുവജന -മഹിളാ സംഘടനകള്‍, കുടുംബശ്രീ യൂണിറ്റുകള്‍ എന്നിവ വിളിച്ചാല്‍ സ്ഥലത്തെത്തി സൗജന്യമായി മൂന്ന് മണിക്കൂര്‍ നീളുന്ന ക്ലാസുകളാണ് നല്‍കി വരുന്നത്.
തളിപ്പറമ്പിലും പരിസര പ്രദേശങ്ങളിലുമുള്ള നിരവധി സ്ഥാപനങ്ങളും സംഘടനകളും സമ്പത്തിന്റെ സേവനം ഉപയോഗപ്പെടുത്തിയിട്ടുണ്ട്.
തന്റെ വിജയത്തിന്റെ കാരണമായി മാറിയ വിജയ സന്ദേശങ്ങള്‍ മറ്റുള്ളവരിലേക്ക് പകര്‍ന്നു നല്‍കി അവരെയും വിജയത്തിലെത്തിക്കുക എന്ന ലക്ഷ്യത്തോടെയാണ് സൗജന്യ പരിശീലനം നല്‍കുന്നതെന്ന് സമ്പത്ത് പറഞ്ഞു.
മൂന്നു മണിക്കൂര്‍ നീളുന്ന ക്ലാസ് ഒരു പുതിയ അനുഭവമാണെന്ന് ക്ലാസില്‍ പങ്കെടുത്തവര്‍ പറയുന്നു.
തളിപ്പറമ്പ് കുപ്പം സ്വദേശിയാണ് സമ്പത്ത്. താല്‍പര്യമുള്ളവര്‍ക്ക് 7994995789 നമ്പറില്‍ ബന്ധപ്പെടാം.