രാഘവന്‍ കടന്നപ്പള്ളിക്ക് എം.വി.ദേവന്‍ മെമ്മോറിയല്‍ മാധ്യമപുരസ്‌ക്കാരം.
ചെറുവത്തൂര്‍: രാഘവന്‍ കടന്നപ്പള്ളിക്ക് എം.വി.ദേവന്‍ മെമ്മോറിയല്‍ പുരസ്‌ക്കാരം.
ചെമ്പ്രകാനം ചിത്ര ശില്‍പ്പകലാ അക്കാദമി ഏര്‍പ്പെടുത്തിയ പുരസ്‌ക്കാരത്തിനാണ് മാധ്യമം ദിനപത്രം പയ്യന്നൂര്‍ ലേഖകനും എഴുത്തുകാരനുമായ രാഘവന്‍ കടന്നപ്പള്ളിയെ തെരഞ്ഞെടുത്തത്.
30 വര്‍ഷത്തോളമായി മാധ്യമ രംഗത്ത് പ്രവര്‍ത്തിക്കുന്ന ഇദ്ദേഹം പരിയാരം പ്രസ്‌ക്ലബ്ബ് രക്ഷാധികാരിയും പയ്യന്നൂര്‍ പ്രസ്‌ഫോറം മുന്‍ പ്രസിഡന്റുമാണ്.
കുന്ദംകുളം പ്രസ് ക്ലബ്ബ് ഏര്‍പ്പെടുത്തിയ സംസ്ഥാനതല പുരസ്‌കാരം ഉള്‍പ്പെടെ നിരവധി അവാര്‍ഡുകള്‍ നേടിയിട്ടുണ്ട്.
ആനുകാലികങ്ങളില്‍ എഴുതാറുണ്ട്. ലേഖന സമാഹരങ്ങള്‍ ഉള്‍പ്പെട്ട 2 പുസ്തകങ്ങള്‍ പ്രസിദ്ധീകരിച്ചിട്ടുണ്ട്.
കാസര്‍ഗോഡ് വിഷന്‍ റിപ്പോര്‍ട്ടര്‍ രജീഷ് കുളങ്ങരക്ക് ടി.രാഘവന്‍ മെമ്മോറിയല്‍ അവാര്‍ഡും ടി.രാജന് സഞ്ജയന്‍ മെമ്മോറിയല്‍ അവാര്‍ഡും സമ്മാനിക്കും.
ഐ.എസ്.ആര്‍.ഒ യു.ആര്‍ റാവു സാറ്റലൈറ്റ് സെന്റര്‍ മുന്‍ മേധാവി ഡോ.പി.കുഞ്ഞികൃഷ്ണന്‍ അവാര്‍ഡ് സമര്‍പ്പണം നിര്‍വ്വഹിക്കും.