ആര്‍.എസ്.എസ്.അക്രമം: ക്ഷേത്രം ട്രസ്റ്റിമാരും ജീവനക്കാരും പ്രതിഷേധ സംഗമം നടത്തി
മട്ടന്നൂര്‍: മട്ടന്നൂര്‍ മഹാദേവക്ഷേത്രം ദേവസ്വം ബോര്‍ഡ് ഏറ്റെടുത്തതിന് ശേഷം ദേവസ്വം ബോര്‍ഡ് തലശ്ശേരി
ഡിവിഷന്‍ കമ്മിറ്റി അംഗം സതീശന്‍ തില്ലങ്കേരിയെ ക്ഷേത്രത്തില്‍
എക്‌സിക്യുട്ടീവ് ഓഫീസറുടെ ഓഫീസില്‍ കയറി അക്രമിച്ച ആര്‍.എസ്.എസ് നടപടിയില്‍ പ്രതിഷേധിച്ച് ദേവസ്വം എംപ്ലോയീസ് യൂണിയന്‍ (സി.ഐ.ടി.യു), ജില്ലാ ടെമ്പിള്‍ കോഡിനേഷനും സംയുക്തമായി പ്രതിഷേധ സംഗമവും പ്രതിഷേധ പ്രകടനവും നടത്തി.
ക്ഷേത്രപരിസരത്ത് നിന്ന് പ്രകടനം ആരംഭിച്ചു. ടെമ്പിള്‍ കോഡിനേഷന്‍ സംസ്ഥാന കമ്മിറ്റി അംഗം ടി.കെ.സുധി ഉദ്ഘാടനം ചെയ്തു.
യൂണിയന്‍ ഏരിയ പ്രസിഡണ്ട് വി.കെ.സുഗതന്‍ അധ്യക്ഷതവഹിച്ചു. യൂണിയന്‍ ജില്ലാ സെക്രട്ടറി കെ.രവീന്ദ്രന്‍, മലബാര്‍ ദേവസ്വം കാസര്‍ഗോഡ് ഡിവിഷന്‍ അംഗം സതീശന്‍ ബക്കളം എന്നിവര്‍ സംസാരിച്ചു. കെ.വി.മധു സ്വാഗതം പറഞ്ഞു.
തളിപ്പറമ്പില്‍ നിന്ന് പാലകുളങ്ങര ദേവസ്വം ട്രസ്റ്റി ബോര്‍ഡ് ചെയര്‍മാന്‍ കെ.സി.മണികണ്ഠന്‍ നായര്‍, പി.ടി.മുരളീധരന്‍, ടി.കെ.രാജന്‍ എന്നിവര്‍ പങ്കെടുത്തു.