സല്‍മാന്‍ഖാന് പാമ്പുകടിയേറ്റു-
മുംബൈ: ബോളിവുഡ് സൂപ്പര്‍ താരം സല്‍മാന്‍ ഖാന് പാമ്പുകടിയേറ്റു. വിഷമില്ലാത്ത പാമ്പാണ് കടിച്ചത്.
പന്‍വേലിലെ സല്‍മാന്റെ ഫാം ഹൗസില്‍ നിന്നാണ് പാമ്പുകടിയേറ്റത്.
ശനിയാഴ്ച്ച രാത്രിയോടെയാണ് സംഭവം. തുടര്‍ന്ന് നവി മുംബൈയിലെ ഒരു സ്വകാര്യ ആശുപത്രിയില്‍ ചികിത്സ തേടിയ അദ്ദേഹം ചികിത്സയ്ക്ക് ശേഷം ആശുപത്രി വിട്ടു.
പന്‍വേലിലെ ഫാം ഹൗസില്‍ വിശ്രമത്തിലാണ് താരം. ഡിസംബര്‍ 27ന് 56ാം ജന്മദിനം ആഘോഷിക്കാനിരിക്കുകയാണ് സല്‍മാന്‍.
മിക്ക വര്‍ഷങ്ങളിലും കുടുംബത്തിനും അടുത്ത സുഹൃത്തുക്കള്‍ക്കും ഒപ്പം ഫാം ഹൗസിലാണ് താരം തന്റെ ജന്മദിനം ആഘോഷിക്കാറുള്ളത്.
ഇക്കഴിഞ്ഞ ലോക്ഡൗണ്‍ കാലത്ത് തന്റെ പ്രിയപ്പെട്ടവരോടൊത്ത് സല്‍മാന്‍ കഴിഞ്ഞത് ഈ ഫാം ഹൗസിലാണ്.
രാധേ: യുവര്‍ മോസ്റ്റ് വാണ്ടഡ് ഭായി, അന്തിം ദ ഫൈനല്‍ ട്രൂത്ത് എന്നിവയാണ് സല്‍മാന്റേതായി ഈ വര്‍ഷം പുറത്തിറങ്ങിയ ചിത്രങ്ങള്‍.
ടൈഗര്‍ 3 ആണ് താരത്തിന്റേതായി അണിയറയില്‍ ഒരുങ്ങുന്ന ചിത്രം.