കിണറില്‍ വീണ ആടിനെ രക്ഷപ്പെടുത്തി.
പെരിങ്ങോം: കിണറില്‍ അകപ്പെട്ട ആടിനെ അഗ്നിശമനസേന രക്ഷപ്പെടുത്തി.
കാങ്കോല്‍-ആലപ്പടമ്പ് ഗ്രാമപഞ്ചായത്തിലെ ചൂരലിലെ പുതിയ പുരയില്‍ ഷാഹുല്‍ ഹമീദ് എന്നയാളുടെ 60 അടി താഴ്ചയുള്ള കിണറില്‍ അകപ്പെട്ട ആടിനെയാണ് രക്ഷപ്പെടുത്തിയത്.
പെരിങ്ങോം അഗ്‌നിശമന സേനയിലെ അസി.സ്റ്റേഷന്‍ ഓഫീസര്‍ സി.പി. ഗോകുല്‍ദാസിന്റെ നേതൃത്വത്തിലുള്ള സംഘത്തില്‍പ്പെട്ട വി.പി.സജിലാലാണ് കിണറിലിറങ്ങി ആടിനെ കരയിലെത്തിച്ചത്.
സേനാംഗങ്ങളായ ഇ.ടി.സന്തോഷ് കുമാര്‍, പി.പി.ലിജു, കെ.എം. രാജേഷ്, എം.പി.റിജിന്‍, വി.എന്‍.രവീന്ദ്രന്‍ എന്നിവരും സംഘത്തിലുണ്ടായിരുന്നു.