ബസ് യാത്രക്കിടെ വിദ്യാര്‍ത്ഥിനിയെ ശല്യം ചെയ്ത യുവാവ് അറസ്റ്റില്‍.
പരിയാരം: ബസ് യാത്രക്കിടെ വിദ്യാര്‍ത്ഥിനിയെ ശല്യം ചെയ്ത യുവാവ് അറസ്റ്റില്‍.
പയ്യന്നൂരില്‍ ജോലി ചെയ്യുന്ന ചെറുകുന്ന് ചിടങ്ങില്‍ സ്വദേശി ആര്‍.അരുണ്‍കുമാറിനെ (38)യാണ് പരിയാരം പോലീസ് അറസ്റ്റ് ചെയതത്.
പയ്യന്നൂരില്‍ നിന്ന് ഇന്‍സ്‌പെക്ടര്‍ മെല്‍ബിന്‍ ജോസിന്റെ നേതൃത്വത്തില്‍ കസ്റ്റഡിയിലെടുത്ത ഇയാളെ കൃത്യം നടന്നത് പരിയാരം സ്റ്റേഷന്‍ പരിധിയിലായതിനാല്‍ പരിയാരം പോലീസിന് കൈമാറുകയായിരുന്നു.
ഇന്ന് രാവിലെ പത്തേകാലോടെ പഴയങ്ങാടി-പയ്യന്നൂര്‍ റൂട്ടില്‍ സര്‍വ്വീസ് നടത്തുന്ന സ്വകാര്യ ബസില്‍ ഏഴിലോട് വെച്ചായിരുന്നു സംഭവം.
പയ്യന്നൂരിലെ വിദ്യാഭ്യാസ സ്ഥാപനത്തിലേക്ക് വരികയായിരുന്ന വിദ്യാര്‍ത്ഥിനിയെയാണ് ഇയാള്‍ പീഡിപ്പിക്കാന്‍ ശ്രമിച്ചത്.
പയ്യന്നൂരിലെ സ്ഥാപനത്തിലേക്ക് ജോലിക്ക് വരുന്നതിനിടെയാണ് ഇയാള്‍ ബസില്‍ സീറ്റിലിരുന്ന് വിദ്യാര്‍ത്ഥിനിക്ക് നേരെ ലൈംഗികാതിക്രമത്തിന് മുതിര്‍ന്നത്.
വിദ്യാര്‍ത്ഥിനികള്‍ വിവരം ബസ് ജീവനക്കാരെ അറിയിച്ചതോടെ വിദ്യാര്‍ത്ഥിനികള്‍ക്കൊപ്പം ബസ് ജീവനക്കാരും പയ്യന്നൂര്‍ പോലീസിലെത്തി പരാതി നല്‍കുകയായിരുന്നു.
വിദ്യാര്‍ത്ഥിനി പോലീസില്‍ നല്‍കിയ പരാതി പ്രകാരമാണ് കേസ്. സഹപാഠി പീഡനദൃശ്യം മൊബൈല്‍ ഫോണില്‍ പകര്‍ത്തുകയും ചെയ്തിരുന്നു.