പിലാത്തറ:ലോകത്തിലെ സമസ്ത ജീവജാലങ്ങളുടെയും നന്മയാണ് സോമയാഗത്തിലൂടെ ഉണ്ടാകുന്നതെന്ന് കൊണ്ടേവൂര്‍ ജഗദ്ഗുരു നിത്യാനന്ദ യോഗാശ്രമം മഠാധിപതി സ്വാമിജി യോഗാനന്ദ സരസ്വതി പറഞ്ഞു.
കൈതപ്രത്ത് ഏപ്രില്‍ 30 മുതല്‍ നടക്കുന്ന സോമയാഗത്തിന്റെ യാഗ സങ്കല്പം ചടങ്ങ് വാസുദേവപുരം ക്ഷേത്രത്തില്‍ നിര്‍വ്വഹിക്കുകയായിരുന്നു അദ്ദേഹം.
പ്രകൃതിയും മനുഷ്യനും തമ്മിലുള്ള ബന്ധം ഊട്ടിയുറപ്പിക്കുന്ന യാഗ ചടങ്ങുകളില്‍ പങ്കാളികളാവുക വഴി ഈ മഹദ് ലക്ഷ്യമാണ് നാം കൈവരിക്കുന്നതെന്നും അദ്ദേഹം പറഞ്ഞു.
സോമയാഗ സമിതി ഭാരവാഹികളും ക്ഷേത്ര ഭാരവാഹികളും ചേര്‍ന്ന് സ്വാമിജിയെ പൂര്‍ണ കുംഭത്തോടെ സ്വീകരിച്ചു.
ചടങ്ങില്‍ പുത്തില്ലം കേശവന്‍ നമ്പൂതിരി, കണ്ണാടി വാസുദേവന്‍ നമ്പൂതിരി, എം.ശ്രീധരന്‍ നമ്പൂതിരി, എം.നാരായണന്‍ നമ്പൂതിരി എന്നിവര്‍ സംസാരിച്ചു.
