സ്‌കൈപ്പര്‍ സൂപ്പര്‍മാര്‍ക്കറ്റിലെ കള്ളന്‍ അറസ്റ്റില്‍.
പയ്യന്നൂര്‍: എക്‌സോസ് ഫാനിളക്കി അതിലൂടെ കടക്കകത്ത് കയറി കളവ് നടത്തി കടന്നു കളയുന്ന മോഷ്ടാവ് പിടിയില്‍.
തമിഴ്‌നാട് കോയമ്പത്തൂരിനടുത്ത് ശുക്രപാളയം സ്വദേശി ജോ പീറ്റര്‍ എന്ന ശക്തി വേലാണ് (32) പയ്യന്നൂര്‍ പോലീസിന്റെ പിടിയിലായത്.
നിരവധി തവണ പയ്യന്നൂര്‍ സ്‌കൈപ്പര്‍ സൂപ്പര്‍ മാര്‍ക്കറ്റില്‍ കയറി കളവ് നടത്തിയ കള്ളന്റെ സിസിടിവി ദൃശ്യങ്ങള്‍ അല്ലാതെ മറ്റ് തെളിവുകളുമുണ്ടായിരുന്നില്ല.
2022 ആഗസ്റ്റ് 4, 23 ഏപ്രില്‍ 20 ഏറ്റവും ഒടുവില്‍ കഴിഞ്ഞ മെയ് 2 നും സ്‌കൈപ്പറില്‍ കയറിയിരുന്നു.
പെരുമ്പയിലെ മാധവി എന്റര്‍ പ്രൈസസില്‍ അടക്കം നിരവധി കളവ് കേസുകളില്‍ പ്രതിയാണിയാളെന്നാണ് നിഗമനം.
വടകര റെയില്‍വേ സ്റ്റേഷനില്‍ വച്ചാണ് ഇയാള്‍ പിടിയിലായത്.