വയല്‍തീരം സ്‌നേഹതീരം ബക്കളത്തിന്റെ വ്യത്യസ്തമായ കൂട്ടായ്മ-ഇന്ന് 11-ാം അധ്യായം.
തളിപ്പറമ്പ്: നാട്ടുകാരുടെ വ്യത്യസ്തമായ കൂടിച്ചേരലിന്റെ പതിനൊന്നാം അധ്യായം ഇന്ന്.
ബക്കളം വയല്‍ കരയില്‍ നടക്കുന്ന ഞായറാഴ്ച സംഗമം എന്ന പരിപാടിയാണ് ഇന്ന് നടക്കുക.
ഓരോ ആഴ്ചയും വ്യത്യസ്തങ്ങളായ പരിപാടികളാണ് നടന്നു വരുന്നതെന്ന് നഗരസഭാ കൗണ്‍സിലര്‍ ടി.കെ.വി.നാരായണന്‍ അറിയിച്ചു.
ഇന്നത്തെ സംഗമത്തില്‍ ടി.വി. പ്രേമരാജന് ബക്കളം അവതരിപ്പിക്കുന്ന മാജിക്‌ഷോയാണ് നടക്കുന്നത്.
നമ്മുടെ നാടിനകത്തും പുറത്തും പതിറ്റാണ്ടുകളായി നിരവധി വേദികളില്‍ മാജിക്ക് അവതരിപ്പിച്ച് അംഗീകാരം നേടാന്‍ പ്രേമരാജന് സാധിച്ചിട്ടുണ്ട്.
മാജിക്കിന് പുറമെ വയല്‍ തീരത്തിന്റ സ്വന്തം കലാകാരന്മാര്‍ അവതരിപ്പിക്കുന്ന പരിപാടികളും ഉണ്ടായിരിക്കും.
ഈ സംഗമ പരിപാടി ഇതിനകം തന്നെ ജില്ലയുടെ വിവിധ ഭാഗങ്ങളില്‍ അറിയപ്പെടാന്‍ ഇടയായിട്ടുണ്ട്.
അതുകൊണ്ട് തന്നെ മറ്റു പ്രദേശങ്ങളില്‍ നിന്നുള്ള ആളുകളും എത്തിച്ചേരന്നുണ്ട്.
അവരെയെല്ലാം നാട്ടുകാര്‍ സന്തോഷത്തോടെ സ്വീകരിക്കുകയാണ്.
ഇന്നത്തെ പരിപാടിക്ക് ലഘു ഭക്ഷണം സ്‌പോണ്‍സര്‍ ചെയ്തത് നായനാര്‍ നഗറിലെ പാത്തുമ്മയുടെ ചെറുമകന്‍ ഷാജിത്താണ്.