വ്യാപാരോത്സവ് 23 ആറാമത് നറുക്കെടുപ്പ് നടത്തി
തളിപ്പറമ്പ്: തളിപ്പറമ്പ് മര്‍ച്ചന്റ്‌സ് അസോസിയേഷന്റെ ആഭിമുഖ്യത്തില്‍ നടത്തുന്ന തളിപ്പറമ്പ് ഷോപ്പിംഗ് ഫെസ്റ്റിവല്‍ വ്യാപരോത്സവ് 23 ആറാമത് നറുക്കെടുപ്പ് മദ്രസക്ക് സമീപം കെ.പി.ജെ ഷോപ്പിങ് കോംപ്ലെക്‌സില്‍ അസോസിയേഷന്‍ പ്രസിഡന്റ് കെ.എസ്.റിയാസിന്റ് അധ്യക്ഷതയില്‍ തളിപ്പറമ്പ ഡി ഇ ഒ സി.അനിത ഉദ്ഘാടനം ചെയ്തു.
വ്യാപാരോത്സവ് കോര്‍ഡിനേറ്റര്‍ എം.എ.മുനീര്‍ നറുക്കെടുപ്പ് നിയന്ത്രിച്ചു.
കഴിഞ്ഞ നറുക്കെടുപ്പിലെ വിജയികള്‍ക്ക് ഹസന്‍ ഇസ്‌കാന്‍ ജ്വല്ലേഴ്‌സ്, മുഹമ്മദ് റാഫി ഷൂ ബീ ഡു, സജീര്‍ സെഞ്ച്വറി ഫാഷന്‍ സിറ്റി, മിന്‍ഹാജ് നിയര്‍ബി, ഫര്‍സീന്‍ കെ എം പ്ലൈവുഡ് എന്നിവര്‍ ചേര്‍ന്ന് നല്‍കി.
സദസിലുള്ളവര്‍ക്കുള്ള നറുക്കെടുപ്പും സമ്മാനവിതരണവും വേദിയില്‍ വെച്ചു സഹഭാരവാഹികളായ കെ.അയൂബ്, അല്‍ഫ മുസ്തഫ, കെ.കെ.നാസര്‍, കെ.വി.ഇബ്രാഹിം കുട്ടി, സി.പി.ഷൗക്കത്തലി, കെ.അബ്ദുല്‍ റഷീദ്, സി.ടി.അഷ്റഫ്, യൂത്ത് വിംഗിന്റെ ബി.ശിഹാബ്, കെ.ഷമീര്‍ എന്നിവര്‍ വിതരണം ചെയ്തു.
തളിപ്പറമ്പ് മെര്‍ച്ചന്റ്‌സ് അസോസിയേഷന്‍ ജനറല്‍ സെക്രട്ടറി വി.താജുദ്ദീന്‍ സ്വാഗതവും, ട്രഷറര്‍ ടി.ജയരാജ് നന്ദിയും പറഞ്ഞു.