വനിതാസെല് കണ്ണൂര് റൂറല്-കേരളാ പോലീസ് അസോസിയേഷന് സംയുക്ത വനിതാദിന ബോധവല്ക്കരണ സെമിനാര്-
തളിപ്പറമ്പ്: വനിതാസെല് കണ്ണൂര് റൂറല്, കേരളാ പോലീസ് അസോസിയേഷന് കണ്ണൂര് റൂറല് എന്നിവയുടെ സംയുക്താഭിമുഖ്യത്തില് വനിതാദിനത്തില് ബോധവല്ക്കരണ സെമിനാര് നടത്തി.
തളിപ്പറമ്പ് സെന്റ് മേരീസ് ചര്ച്ച് പാരിഷ്ഹാളില് നടക്കുന്ന പരിപാടി റൂറല് ജില്ലാ പോലീസ് മേധാവി പി.ബി.രാജീവ് ഉദ്ഘാടനം ചെയ്തു.
കേരളാ പോലീസ് അസോസിയേഷന് കണ്ണൂര് റൂറല് ജില്ലാ പ്രസിഡന്റ് എം.കെ.സാഹിദ അധ്യക്ഷത വഹിച്ചു.
തളിപ്പറമ്പ് നഗരസഭാധ്യക്ഷ മുര്ഷിദ കൊങ്ങായി മുഖ്യാതിഥിയായി പങ്കെടുക്കും.
പയ്യന്നൂര് ഡി.വൈ.എസ്.പി ഓഫീസിലെ സീനിയര് സി.പി.ഒ എന്.വി.സ്വപ്ന വിഷയാവതരണം നടത്തി.
തളിപ്പറമ്പ് ഡി.വൈ.എസ്.പി ടി.കെ.രത്നകുമാര്, കേരളാ പോലീസ് ഓഫീസേഴ്സ് അസോസിയേഷന് കണ്ണൂര് റൂറല് ജില്ലാ പ്രസിഡന്റ് ഇ.പി.സുരേശന്, പയ്യാവൂര് എസ്.എച്ച്.ഒ പി.ഉഷാദേവി,
കെ.പി.ഒ.എ സംസ്ഥാന നിര്വ്വാഹകസമിതി അംഗം കെ.പ്രവീണ, കേരളാ പോലീസ് അസോസിയേഷന് കണ്ണൂര് റൂറല് സെക്രട്ടറി കെ.പ്രിയേഷ് എന്നിവര് പ്രസംഗിച്ചു.
വനിതാ സെല് സബ് ഇന്സ്പെക്ടര് കെ.ഖദീജ സ്വാഗതവും സീനിയര് സി.പി.ഒ പി.ദീപ നന്ദിയും പറഞ്ഞു.