വൈ.എം.സി.എ കാരുണ്യസ്പര്‍ശവും ആര്‍ച്ച് ബിഷപ്പിന് സ്വീകരണവും നാളെ
തളിപ്പറമ്പ്: വൈ.എം.സി.എ കണ്ണൂര്‍ സബ് റീജിയന്‍ കാരുണ്യസ്പര്‍ശം-2022 ന്റെ ഭാഗമായി പാലിയേറ്റീവ് കിടപ്പ് രോഗികള്‍ക്ക് ഭക്ഷ്യകിറ്റ് വിതരണവും തലശേരി അതിരൂപതാ
ആര്‍ച്ച് ബിഷപ്പ് മാര്‍ ഡോ. ജോസഫ് പാബ്ലാനിക്ക് സ്വീകരണവും ഡയാലിസിസ് ഫണ്ട് കൈമാറ്റവും നാളെ(മെയ്-19) ന് പുഷ്പഗിരി വൈ.എം.സി.എ ഓഡിറ്റോറിയത്തില്‍ നടക്കും.
വൈ.എം.സി.എ നാഷണല്‍ പ്രസിഡന്റ് റിട്ട.ജഡ്ജി ജെ.ബി.കോശി ഉദ്ഘാടനം ചെയ്യും.
വൈ.എം.സി.എ കണ്ണൂര്‍ സബ് റീജിയന്‍ ചെയര്‍മാന്‍ മത്തായി വീട്ടിയാങ്കല്‍ അധ്യക്ഷത വഹിക്കും.
മാര്‍ ജോസഫ് പാംബ്ലാനി അനുഗ്രഹ പ്രഭാഷണം നടത്തും.
വൈ.എം.സി.എ കേരളാ റീജിയന്‍ ചെയര്‍മാന്‍ ജോസ് ജി.ഉമ്മന്‍ മുഖ്യാതിഥിയായിരിക്കും. പ്രോഗ്രാം കോ-ഓര്‍ഡിനേറ്റര്‍ ജസ്റ്റിന്‍ കൊട്ടുകാപ്പള്ളി പദ്ധതി വിശദീകരിക്കും.
ഐ.എം.എ കേരളാ സെക്രട്ടറി ഡോ.ജോസഫ് ബനവന്‍ ആദരിക്കല്‍ ചടങ്ങ് നിര്‍വ്വഹിക്കും. നാഷണല്‍ എക്‌സിക്യുട്ടീവ് അംഗം ഡോ.കെ.എം.തോമസ്, റീജിയണല്‍ വൈസ് ചെയര്‍മാന്‍ ജിയോ ജേക്കബ്, നോര്‍ത്ത് സോണ്‍ കോ-ഓര്‍ഡിനേറ്റര്‍ ഇമ്മാനുവേല്‍,
നോര്‍ത്ത് സോണ്‍ യുവത കോ-ഓര്‍ഡിനേറ്റര്‍ രാജു ചെരിയന്‍കാല എന്നിവര്‍ പ്രസംഗിക്കും.
തളിപ്പറമ്പ് വൈ.എം.സി.എ പ്രസിഡന്റ് ടി.എസ്.ജയിംസ് മരുതാനിക്കാട്ടില്‍ സ്വാഗതവും ജന.കണ്‍വീനര്‍ ജോസ് ആവണംകോട് നന്ദിയും പറയും.