ഫെയ്‌സ് മാതമംഗലം-അവധിക്കാല വായനാപരിപാടിക്ക് തുടക്കമായി.
മാതമംഗലം: ഫെയ്‌സ് മാതമംഗലത്തിന്റെ നേതൃത്വത്തില്‍ അവധിക്കാല വായനാ പരിപാടി സംഘടിപ്പിച്ചു.
എന്റെ വായന അവധിക്കാല വീട്ടുമുറ്റ വായന സദസ് എരമം പുല്ലൂക്കരയില്‍ പ്രശസ്ത എഴുത്തുകാരന്‍ പയ്യന്നൂര്‍ കുഞ്ഞിരാമന്‍ മാസ്റ്റര്‍ ഉദ്ഘാടനം ചെയ്തു.
എ.വി.സതീശന്‍ അധ്യക്ഷത വഹിച്ചു.
ബാലസാഹിത്യ ഇന്‍സ്റ്റിറ്റ്യൂട്ട് സമഗ്ര സംഭാവനക്കുള്ള ഈ വര്‍ഷത്തെ പുരസ്‌കാരം നേടിയ പയ്യന്നൂര്‍ കുഞ്ഞിരാമന്‍ മാസ്റ്ററെ കെ.വി. ഗോപിനാഥന്‍ ഉപഹാരം നല്‍കി ആദരിച്ചു.
വിദ്യാര്‍ത്ഥികള്‍ക്കായി ഫേസ് മാതമംഗലം നല്‍കിയ നൂറുകണക്കിന് പുസ്തകങ്ങള്‍ പയ്യന്നൂര്‍ കുഞ്ഞിരാമന്‍ മാസ്റ്റര്‍ കുട്ടികളുടെ കൈകളില്‍ ഏല്‍പ്പിച്ചു.
ചടങ്ങില്‍ ഫേസ് പ്രസിഡന്റ് കെ.പ്രിയേഷ് പദ്ധതി വിശദീകരണം നടത്തി.
രമേശന്‍ പേരുല്‍, കെ.വി.ഗണേശന്‍, എം.കൃഷ്ണന്‍, സി.കെ.സുരേഷ് എന്നിവര്‍ സംസാരിച്ചു.
ഫെയ്‌സ് സെക്രട്ടറി പി. ദാമോദരന്‍ സ്വാഗതവും നമിത നന്ദിയും പറഞ്ഞു. അടുത്ത ദിവസങ്ങളില്‍ പുസ്തക ചര്‍ച്ചയും സംവാദവും നടക്കും