മട്ടന്നൂര്: മട്ടന്നൂര് കളറോഡുനിന്നും രണ്ട് ദിവസം മുന്പ് കാണാതായ യുവാവിനെ റോഡരികിലെ ആളൊഴിഞ്ഞ പറമ്പില് തൂങ്ങി മരിച്ച നിലയില് കണ്ടെത്തി.
തില്ലങ്കേരി തലച്ചങ്ങാട് റോഡരികിലാണ് യുവാവിന്റെ മൃതദേഹം കണ്ടെത്തിയത്.
മട്ടന്നൂര് കളറോഡ് സ്വദേശി സിദ്ധാര്ത്ഥാണ് (20) മരിച്ചത്.
ആത്മഹത്യയാണെന്നാണ് പ്രാഥമിക നിഗമനം. മട്ടന്നൂര് പോലീസ് സ്ഥലത്തെത്തി ഇന്ക്വസ്റ്റ് നടത്തി മൃതദേഹം പോസ്റ്റുമോര്ട്ടം നടപടികള്ക്കായി മാറ്റി.
കഴിഞ്ഞ 13 മുതല് യുവാവിനെ കാണാനില്ലെന്ന വീട്ടുകാരുടെ പരാതിയില് പോലീസ് അന്വേഷണം തുടരുന്നതിനിടെയാണ് മൃതദേഹം കണ്ടെത്തുന്നത്.
സിദ്ധാര്ത്ഥ് ഓടിച്ചിരുന്ന ബൈക്ക് ഉപേക്ഷിക്കപ്പെട്ട നിലയില് പ്രദേശത്ത് റോഡരികില് കണ്ടിരുന്നു ഇതേ തുടര്ന്നാണ് പോലിസ് വ്യാപകമായി തെരച്ചില് നടത്തിയത്.
സംഭവത്തില് പോലിസ് അസ്വാഭാവിക മരണത്തിന് കേസെടുത്തിട്ടുണ്ട്.
മട്ടന്നൂര്: മട്ടന്നൂര് കളറോഡുനിന്നും രണ്ട് ദിവസം മുന്പ് കാണാതായ യുവാവിനെ റോഡരികിലെ ആളൊഴിഞ്ഞ പറമ്പില് തൂങ്ങി മരിച്ച നിലയില് കണ്ടെത്തി.