കൂടാളി മുണ്ടേരിതോട് ജനകീയ പങ്കാളിത്തത്തോടെ പുനര്‍ജനിക്കുന്നു-
കൂടാളി: ഇനി ഒഴുകും തോടിനായി ജനങ്ങളാകെ അണിചേര്‍ന്നപ്പോള്‍ കൂടാളി മുണ്ടേരി തോടിന് പുനര്‍ജനിയാകുന്നു.
മുഴപ്പാലയില്‍ നിന്ന് കാനച്ചേരിയില്‍ നിന്നും ആരംഭിച്ച് കൂടാളി കരുത്ത് വയലില്‍ സംഗമിച്ച് വലിയ തോടായി മാറി മുണ്ടേരി പുഴയിലെത്തുന്ന തോട് മാലിന്യ മുക്തമാക്കാനാണ് കൂട്ടായ പ്രയത്‌നം ആരംഭിച്ചത്.
തോട് നവീകരണത്തിന്റെ ഭാഗമായാണ് ജനകീയ ശുചീകരണം നടത്തിയത്.
കൂടാളി, മുണ്ടേരി പഞ്ചായത്തിലെ പത്ത് വാര്‍ഡുകള്‍ കേന്ദ്രീകരിച്ച് നടന്ന ശുചീകരണത്തില്‍ വിവിധ മേഖലകളില്‍പെട്ട ആയിരക്കണക്കിനാളുകള്‍ അണി ചേര്‍ന്നു.
ലോഡ് കണക്കിന് പ്ലാസ്റ്റിക്ക് കുപ്പികളാണ് വിവിധ കേന്ദ്രങ്ങളില്‍ നിന്ന് ശേഖരിച്ചത്.
അടുത്ത ഘട്ടത്തില്‍ വിശദമായ പ്രൊജക്ട് റിപ്പോര്‍ട്ട് തയ്യാറാക്കും. തുടര്‍ന്ന് വിവിധ സര്‍ക്കാര്‍ ഏജന്‍സികളില്‍ നിന്ന് ഫണ്ട് ലഭ്യമാക്കി തോട് നവീകരിക്കും.
കാഞ്ഞിരോട് നടന്ന കേന്ദ്രീകൃത ഉദ്ഘാടനം കടന്നപ്പള്ളി രാമചന്ദ്രന്‍ എംഎല്‍എ നിര്‍വ്വഹിച്ചു.
മുണ്ടേരി പഞ്ചായത്ത് പ്രസിഡന്റ് എ.അനിഷ അധ്യക്ഷത വഹിച്ചു. ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ വി.കെ.സുരേഷ്ബാബു, ഇരിട്ടി ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍ എം.രതീഷ്, ബ്ലോക്ക് പഞ്ചായത്തംഗം കെ.ബിന്ദു,
പഞ്ചായത്ത് വൈസ് പ്രസിഡന്റുമാരായ പി.പത്മനാഭന്‍, എ.പങ്കജാക്ഷന്‍, മെമ്പര്‍ ടി.പി.അഷറഫ്, ഹരിത കേരള മിഷന്‍ ജില്ലാ കോര്‍ഡിനേറ്റര്‍ ഇ.കെ.സോമശേഖരന്‍,
പഞ്ചായത്ത് സെക്രട്ടറിമാരായ കെ.രാജന്‍, എം.പ്രദീപന്‍, പി.പി. ബാബു, പി.പി.നൗഫല്‍, വിവിധ രാഷ്ട്രീയ പാര്‍ട്ടി പ്രതിനിധികളായ പി.ചന്ദ്രന്‍, ഇ.സജീവന്‍, എം.ഗംഗാധരന്‍, കോമത്ത് രമേശന്‍, ടി.കെ. ലക്ഷ്മണന്‍, ത്വാഹ എന്നിവര്‍ സംസാരിച്ചു.
കൂടാളി പഞ്ചായത്ത് പ്രസിഡന്റ് പി കെ ഷൈമ സ്വാഗതവും കോര്‍ഡിനേറ്റര്‍ പി കെ ബൈജു നന്ദിയും പറഞ്ഞു.
വിവിധ വാര്‍ഡ് കേന്ദ്രങ്ങളില്‍ വാര്‍ഡ് മെമ്പര്‍മാരായ എം.വസന്ത, പി.പി.ലക്ഷ്മണന്‍, സി.മനോഹരന്‍, കെ.പി.ജലജ, ടി.മജ്ഞുള, എ. അനിഷ, വി.വി.മുംതാസ്, എ.പങ്കജാക്ഷന്‍, പി.അഷ്‌റഫ്, സി.എച്ച്.അബ്ദുള്‍നസീര്‍ എന്നിവര്‍ പ്രാദേശികതല ഉദ്ഘാടനം നിര്‍വ്വഹിച്ചു.