കിണറില്‍ വീണ ദമ്പതികളെ അഗ്നിശമനസേന രക്ഷപ്പെടുത്തി.

തളിപ്പറമ്പ്: കിണറില്‍ വീണ ദമ്പതികളെ അഗ്നിശമനസേന രക്ഷപ്പെടുത്തി.

ശ്രീകണ്ഠാപുരം വാസുപീടിക കല്ലാരിയില്‍ വീട്ടില്‍ മധു(60) ഭാര്യ സാവിത്രി(50)എന്നിവരെയാണ് രക്ഷപ്പെടുത്തിയത്.

ഇന്നലെ രാത്രി പത്തരയോടെയായിരുന്നു സംഭവം.

കിണറില്‍ വീണ സാവിത്രിയെ രക്ഷപ്പെടുത്താന്‍ ഇറങ്ങിയ മധു തിരിച്ച് കയറാനാവാതെ കിണറില്‍ അകപ്പെടുകയായിരുന്നു.

തളിപ്പറമ്പ് അഗ്നിശമനനിലയത്തിലെ സീനിയര്‍ ഫയര്‍ ആന്റ് റെസ്‌ക്യൂ ഓഫീസര്‍ ആര്‍.രതീഷ്, ഫയര്‍മാന്‍മാരായ അനീഷ്, സിനീഷ്, വിപിന്‍, ഷജില്‍കുമാര്‍ എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.

അഗ്നിശമനസനേയുടെ ആംബുലന്‍സില്‍ ഇരുവരേയും ശ്രീകണ്ഠാപുരത്തെ സ്വകാര്യ ആശുപത്രിയില്‍ എത്തിച്ചു.