ബൈക്കും ബസും കൂട്ടിയിടിച്ച് ബാങ്ക് ഉദ്യോഗസ്ഥന്‍ മരിച്ചു.
മുഴപ്പിലങ്ങാട്: ബസും ബൈക്കും കൂട്ടിയിടിച്ച് ബാങ്ക് ഉദ്യോഗസ്ഥന്‍ മരിച്ചു.
കണ്ണൂര്‍ ഐ.സി.ഐ.സി.ഐ ബാങ്ക് ഉദ്യോഗസ്ഥനായ മാഹി പുല്ലമ്പില്‍ റോഡിലെ ശ്രീലേഷാണ് ( 31 ) മരണപ്പെട്ടത്.
ദേശീയപാതയില്‍ എടക്കാട് പോലീസ് സ്റ്റേഷന് സമീപം ഇന്ന് രാവിലെ എട്ടരയോടെയായിരുന്നു സംഭവം.
കണ്ണൂരില്‍ നിന്നും കോഴിക്കോട്ടേക്ക് പോവുകയായിരുന്ന ഹരിറാം ലിമിറ്റഡ് സ്റ്റോപ്പ് ബസും എതിരെ വന്ന ബൈക്കുമാണ് കൂട്ടിയിടിച്ചത്.
ഭാര്യ: പള്ളൂര്‍ പി.പി.രാമചന്ദ്രന്റെ മകള്‍ അതുല്യ.
കഴിഞ്ഞ വര്‍ഷം ഡിസമ്പര്‍ 11 നായിരുന്നു വിവാഹം.
പുല്ലമ്പിലിലെ മംഗളം പപ്പന്‍ എന്ന എം.പത്മനാഭന്‍-പി.തങ്കമണി ദമ്പതികളുടെ മകനാണ് ശ്രീലേഷ്.