കെ.എസ്.ടി. പി റോഡില്‍ വാഹനപകടം ഒരാള്‍ മരിച്ചു.
പാപ്പിനിശ്ശേരി : ലോറിയും പിക്കപ്പ് വാനും കൂട്ടിയിടിച്ച് ഒരാൾ മരിച്ചു.
പാപ്പിനിശ്ശേരി കരിക്കൻ കുളത്തിനു സമീപം കെ.എസ്.ടി. പി റോഡില്‍ നടന്ന അപകടത്തിൽ തൃക്കരിപ്പൂർ സ്വദേശിയായ പിക്കപ്പ് വാൻ ഡ്രൈവർ മരിച്ചു.
തൃക്കരിപ്പൂർ ഉടുമ്പുന്തല കരികടവ് സ്വദേശി അസ്ലം (34) ആണ് മരിച്ചത്.
കണ്ണൂർ ഭാഗത്ത് നിന്നും വരുന്ന ഗ്യാസ് സിലിണ്ടർ ലോറിയും പഴയങ്ങാടി ഭാഗത്ത് നിന്നും വരുന്ന പിക്കപ്പ് വാനും തമ്മിലാണ് കൂട്ടിയിടിച്ചത്.
വൈകുന്നേരം 3.15 നാണ് അപകടം.
ഇടിയുടെ ആഘാതത്തിൽ വാഹനത്തിൽ കുടുങ്ങിയ പിക്കപ്പ് വാനിൽ കുടുങ്ങി പോയ ഡ്രൈവറെ അസ്ലമിനെ പോലീസും നാട്ടുകാരും ചേർന്ന് പുറത്തെടുത്താണ് ഹോസ്പിറ്റലിൽ എത്തിച്ചത്.
ഉടുമ്പുന്തല വലിയകുതിരിലെ എം കെ സുലൈഖ അബ്ദുല്‍ അസീസ് എന്നവരുടെ മകനാണ് എം കെ അസ്ലം.
ഭാര്യ : റംസീന.
മക്കൾ : ആദി, ആലിയ.
മൂന്നാമത് പ്രസവത്തിനായി അടുത്ത ദിവസം ഹോസ്പിറ്റലിൽ അഡ്മിറ്റ് ചെയ്യാൻ ഇരിക്കെയാണ് ഈ ദുരന്തം സംഭവിച്ചത്.
കണ്ണൂർ എ കെ ജി ഹോസ്പിറ്റലിൽ ഉള്ള മൃതദേഹം പോസ്റ്റ്മോർട്ടം നടപടികൾക്കായി പരിയാരത്തുള്ള മെഡിക്കൽ കോളേജിലേക്ക് മാറ്റി.