പിലാത്തറയില്‍ ടിപ്പറും സ്‌കൂട്ടറും കൂട്ടിയിടിച്ച് യുവാവിന് പരിക്കേറ്റു
പിലാത്തറ: പിലാത്തറ-ചുമടുതാങ്ങി റോഡില്‍ ടിപ്പറും സ്‌കൂട്ടറും കൂട്ടിയിടിച്ച് യുവാവിന് പരിക്കേറ്റു.
ചുമടുതാങ്ങിയിലെ എന്‍.ജെ.ഇന്ത്യ ട്രേഡിങ് പ്രൈവറ്റ് ലിമിറ്റഡ് കമ്പനി ജീവനക്കാരന്‍ മലപ്പുറം മഞ്ചേരി ഇരുവട്ടി കവനൂരിലെ കോഴിക്കുലത്ത് ചാലില്‍ ഹൗസില്‍ കെ.ഇഷ്തിയാഖി(22)നാണ് പരിക്കേറ്റത്.
കണ്ണൂര്‍ ഗവ. മെഡിക്കല്‍ കോളേജില്‍ പ്രാഥമിക ചികിത്സക്ക് ശേഷം പെരിന്തല്‍മണ്ണ അല്‍ഷിഫ ആസ്പത്രിയിലേക്ക് മാറ്റി.
പിലാത്തറ റേഷന്‍ ഷാപ്പിന് മുമ്പില്‍ ചൊവ്വാഴ്ച കാലത്താണ് അപകടം. അപകടത്തില്‍ സ്‌കൂട്ടര്‍ പാടെ തകര്‍ന്നു.