വാഹനാപകടം രണ്ടു പേര്‍ മരിച്ചു. ഒരാള്‍ക്ക് ഗുരുതരം
വടകര സ്വദേശികളായ ഓട്ടോ യാത്രക്കാരാണ് മരിച്ചത്.
പാപ്പിനിശേരി: പുതുവര്‍ഷദിനം പിറന്നത് അപകടമരണവാര്‍ത്തയോടെ.
ദേശീയ പാതയില്‍ പാപ്പിനിശേരി ചുങ്കത്ത് രാവിലെ 6.15 ന് ഉണ്ടായ വാഹനാപകടത്തില്‍ രണ്ടു പേര്‍ മരിച്ചു,ഒരാള്‍ക്ക് ഗുരുതര പരിക്ക്.
ഓട്ടോറിക്ഷയും ലോറിയുമാണ് കൂട്ടിയിടിച്ചത്. വടകര സ്വദേശികളായ ഓട്ടോ യാത്രക്കാരാണ് മരിച്ചത്.
കണ്ണൂരില്‍ നിന്നും തളിപ്പറമ്പ് ഭാഗത്തേക്ക് പോകുന്ന ലോറിയും കണ്ണൂരിലേക്ക് പോകുന്ന ഓട്ടോയുമാണ് കൂട്ടിയിടിച്ചത്.
ഇന്ന് രാവിലെ 6.15 നാണ് സംഭവം. ഓട്ടോ യാത്രക്കാരായ അശ്വന്ത് (25) അമല്‍ജിത്ത് എന്നിവരാണ് മരിച്ചത്.
ഗുരുതര പരിക്കേറ്റ ആദര്‍ശിനെ കണ്ണൂര്‍ കൊയിലി ആശുപത്രിയില്‍ പ്രവേശിപ്പിച്ചു. സംഭവം നടന്ന് ഓടി കൂടിയ നാട്ടുകാര്‍ സമീപത്തു തന്നെയുള്ള 108 ആമ്പുലന്‍സിനെ വിളിച്ചു വരുത്തിയാണ് ഇവരെ കണ്ണര്‍ സ്വകാര്യ ആശുപത്രിയിലെത്തിയത്.
വളപട്ടണം പോലീസ് സ്ഥലത്തെത്തി, ലോറിഡ്രൈവറെ
കസ്റ്റഡിയിലെടുത്തു.