മുഖ്യമന്ത്രിയുടെ വാഹനവ്യൂഹത്തിലെ ആംബുലന്‍സ് പെരുമ്പപാലത്തില്‍ കോടിയേരിയുടെ വാഹനത്തിന് പിറകിലിടിച്ചു-
പയ്യന്നൂര്‍: മുഖ്യമന്ത്രിയുടെ വാഹനവ്യൂഹത്തിലെ ആംബുലന്‍സ് അപകടത്തില്‍പെട്ടു.
മുഖ്യമന്ത്രിയുടെ വാഹനവ്യൂഹത്തിനൊപ്പം സി.പി.എം.സംസ്ഥാന സെക്രട്ടറി കോടിയേരി ബാലകൃഷ്ണന്‍ സഞ്ചരിച്ച കാറിന് എസ്‌കോര്‍ട്ട് ആംബുലന്‍സ് ഇടിക്കുകയായിരുന്നു.
കാസര്‍ഗോഡ് നിന്നും കോഴിക്കോടേക്കുള്ള യാത്രക്കിടയില്‍ മുഖ്യമന്ത്രി പിണറായി വിജയന്‍ പയ്യന്നൂര്‍ പോലീസ് പരിധിയിലെ പെരുമ്പ പാലം എത്തിയപ്പോള്‍ മുഖ്യമന്ത്രിയുടെ
വാഹനവ്യൂഹത്തിന്റെ കൂടെ ഉണ്ടായിരുന്ന സിപിഎം സംസ്ഥാന സെക്രട്ടറി കൊടിയേരി ബാലകൃഷ്ണന്‍ സഞ്ചരിച്ച സെക്യൂരിറ്റി വാഹനം (കെ.എല്‍/01 ബി.എക്‌സ് 208) ബ്രേക്ക് ചവിട്ടിയപ്പോള്‍
അതിനു പിന്നില്‍ മുഖ്യമന്ത്രിയുടെ വാഹനത്തിന് കൂടെയുണ്ടായിരുന്ന പിണറായി കമ്യൂണിറ്റി ഹെല്‍ത്ത് സെന്ററിന്റെ ആംബുലന്‍സ്( കെ.എല്‍ 58 ഡബ്ല്യു 3715) ഇടിക്കുകയും റേഡിയേറ്ററിന് റേഡിയേറ്ററിനു കേടുപാട് സംഭവിക്കുകയും ചെയ്തതിനെത്തുടര്‍ന്ന് യാത്ര തുടരാന്‍ സാധിക്കാതെ വരികയായിരുന്നു.
വിവരമറിഞ്ഞ് ഉന്നത പോലീസ് അധികാരികള്‍ സ്ഥലത്തെത്തി. അപകടത്തെക്കുറിച്ച് സംസ്ഥാന പോലീസ് മേധാവി റിപ്പോര്‍ട്ട് ആവശ്യപ്പെട്ടിട്ടുണ്ട്.