ട്രക്കിന് പിന്നില്‍ സ്‌കൂട്ടര്‍ ഇടിച്ച് പരിക്കേറ്റയാള്‍ മരിച്ചു.
എടക്കാട്: ദേശീയപാത എടക്കാട്ട് ട്രക്കിന് പിന്നില്‍ ഇടിച്ച്സ്‌കൂട്ടര്‍ യാത്രികന്‍ മരണപ്പെട്ടു.
മുഴപ്പിലങ്ങാട് മല്ലപ്പുറം സ്വദേശി ഗഫൂര്‍ എന്നയാളാണ് മരണപ്പെട്ടത്. ഇന്നു അതിരാവിലെ അഞ്ചോടയാണ് അപകടം.
മുഴപ്പിലങ്ങാട്ട് നിന്ന് കണ്ണൂരിലെ ജോലി സ്ഥലത്തേക്ക് കെ.എല്‍ 13 എ.ടി. 6766 സ്‌കൂട്ടറില്‍ പോവുകയായിരുന്ന ഗഫൂര്‍ അതേ ദിശയിലേക്ക് പോവുകയായിരുന്ന ട്രക്കിന് പിന്നില്‍ ഇടിക്കുകയായിരുന്നു.
പുലര്‍ച്ചെ എടക്കാട് സഫ പള്ളിയിലെത്തിയവരായിരുന്നു റോഡില്‍ അപകടത്തില്‍പ്പട്ട് കിടക്കുന്ന ഗഫൂറിനെ കണ്ടത്.
ആശുപത്രിയിലെത്തിക്കുന്നതിന് മുമ്പേ മരണം സംഭവിച്ചിരുന്നു. മൃതദേഹം തലശ്ശേരി ജനറല്‍ ആശുപത്രിയിലേക്ക് മാറ്റി. എടക്കാട് പോലീസ് കേസെടുത്തു.