ആട് മജ്ബൂസ് ടീം വ്യാപാരി നേതാക്കള്‍ക്ക് സ്വീകരണം നല്‍കി.
തളിപ്പറമ്പ്: ആട് മജ്ബൂസ് ടീം സംഘടിപ്പിച്ച ചടങ്ങില്‍ കേരള വ്യാപാരി വ്യവസായി ഏകോപന സമിതി തളിപ്പറമ്പ് യൂണിറ്റിലെ പുതിയ ഭാരവാഹികള്‍ക്കും കോഴിക്കോട് നടന്ന ഓപ്പണ്‍ നാഷണല്‍ ഗ്രാപ്പിങ്ങ് ചാമ്പ്യന്‍ഷിപ്പില്‍ 68 കിലോഗ്രാമില്‍ രണ്ടാം സ്ഥാനം നേടിയ മുഹമ്മദ് മുഅത്തിബിനും സ്വീകരണവും അനുമോദനവും നല്‍കി.
അസീസ് കുട്ടന്‍ അധ്യക്ഷത വഹിച്ചു. വ്യാപാരി നേതാവ് കെ.എസ് റിയാസ് ഉദ്ഘാടനം ചെയ്തു.
ഉമ്മര്‍ ഹാജി, അമീര്‍ ഹാജി, മെയ്ദു പള്ളക്കന്‍, ഷബീര്‍ മടത്തില്‍, ജഹാംഗിര്‍ ഹംസക്കുട്ടി, അജ്മല്‍, ആഷിഖ് ആല്‍പ്പി, അബു എന്നിവര്‍ പുതിയ ഭാരവാഹികള്‍ക്ക് മൊമെന്റോ നല്‍കിആദരിച്ചു.
ചടങ്ങില്‍ ആട് മജ്ബൂസ് ടീമിന്റെ പുതിയ ഭാരവാഹികളായി പ്രസിഡന്റ് ഉമ്മര്‍ഹാജിയെയും സെക്രട്ടറിയായി കെ.പി.ജെ.ജാബിറിനെയും ട്രഷറായി അമീര്‍ ഹാജിയെയും തിരഞ്ഞെടുത്തു.
കടലിനക്കരെ നിന്നും ആട് മജ്ബൂസ് മെമ്പര്‍മാരായ ഷൗക്കത്തലി കൂവന്‍സി, മജീദ് ഉണ്ടാച്ചി, അസ്ഹര്‍ ഇല്യംസ് എന്നിവര്‍ വീഡിയോ കോണ്‍ഫറന്‍സിലുടെ ചടങ്ങില്‍ ആശംസ അറിയിച്ചു.
ജാഫര്‍ ബദരിയ സ്വാഗതവും ആഷിക്ക് കുട്ടന്‍ നന്ദിയും പറഞ്ഞു.