തണലിന് പ്രതിഫലം തീ—–മരത്തിനോട് സമൂഹവിരുദ്ധരുടെ ക്രൂരത-
തളിപ്പറമ്പ്: തണലിന് പ്രതിഫലം തീ ! പൂവ്വം-പന്നിയൂര്‍ റോഡില്‍ വര്‍ഷങ്ങളായി തണല്‍ വിരിച്ച് നില്‍ക്കുന്ന മഹാഗണി മരത്തിനോട് സമൂഹവിരുദ്ധരുടെ ക്രൂരത.
മരത്തിന് ചുവട്ടില്‍ സ്ഥിരമായി ചപ്പുചവറുകള്‍ കൂട്ടിയിട്ട് തീയിടുകയാണ് ഇവരുടെ പരിപാടി.
ചുവട്ടില്‍ തീയിട്ട് അടിഭാഗം ദ്രവിപ്പിച്ചശേഷം മരം അപകടത്തിലായി മുറിച്ചുമാറ്റണമെന്ന് പരാതി നല്‍കി മുറിച്ചുമാറ്റിക്കാനുള്ള ചിലരുടെ തന്ത്രമാണ് ഇതിന് പിന്നിലെന്നാണ് സംശയം.
കഴിഞ്ഞ ദിവസം മരത്തിന് ചുവട്ടില്‍ തീയിട്ടത് കണ്ട ഒരു പരിസ്ഥിതി പ്രവര്‍ത്തകനാണ് തീയണച്ചത്.
മരം സംരക്ഷിച്ചുനിര്‍ത്താന്‍ നടപടി സ്വീകരിക്കണമെന്നും പഞ്ചായത്തും വനം-പരിസ്ഥിതി വകുപ്പും മരത്തിന്റെ
സംരക്ഷണമേറ്റെടുക്കണമെന്നും പ്രകൃതി ജീവന സ്മൃതി പ്രസിഡന്റ് മൃണാള്‍ പന്നിയൂര്‍ ആവശ്യപ്പെട്ടു.