അക്വേറിയം മറിഞ്ഞുവീണ് മരിച്ച മാസിന്‍(5)ന്റെ സംസ്‌ക്കാരം നാളെ
പഴയങ്ങാടി: അക്വേറിയം ദേഹത്ത് മറിഞ്ഞുവീണ് മരിച്ച മാസിന്‍(5) ന്റെ കബറടക്കം നാളെ നടക്കും.
മാട്ടൂല്‍ നോര്‍ത്ത് കക്കാടന്‍ ചാലില്‍ മാട്ടൂല്‍ കെ അബ്ദുള്‍കരീം-മന്‍സൂറ ദമ്പതികളുടെ മകനാണ്.
രാത്രി എട്ടോടെയായിരുന്നു അപകടം.
വീടിന്റെ മുകള്‍ നിലയിലുള്ള അലങ്കാര മല്‍സ്യ സംഭരണി പിടിച്ച് വലിച്ചതിനെ തുടര്‍ന്ന് സംഭരണി കുട്ടിയുടെ ശരീരത്തില്‍ പതിക്കുകയായിരുന്നു.
പരിയാരത്തെ കണ്ണൂര്‍ ഗവണ്മെന്റ് മെഡിക്കല്‍ കോളേജില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സഹോദരങ്ങള്‍:റഹിയാന്‍,മര്‍വ.