അക്വേറിയം തലയില്‍ വീണ് അഞ്ചുവയസുകാരന്‍ മരിച്ചു.
പഴയങ്ങാടി: മാട്ടൂല്‍ നോര്‍ത്ത് കക്കാടന്‍ ചാലില്‍ അലങ്കാര മല്‍സ്യ സംഭരണി മറിഞ്ഞു വീണ് അഞ്ചു വയസ്സുകാരന്‍ മരിച്ചു.
മാട്ടൂല്‍ കക്കാടന്‍ചാലിലെ കെ അബ്ദുള്‍ കരീം മന്‍സൂറ ദമ്പതികളുടെ മകന്‍ മാസിന്‍(5)ആണ് മരിച്ചത്.
വീടിന്റെ മുകള്‍ നിലയിലുള്ള അലങ്കാര മല്‍സ്യ സംഭരണി പിടിച്ച് വലിച്ചതിനെ തുടര്‍ന്ന് സംഭരണി കുട്ടിയുടെ ശരീരത്തില്‍ പതിക്കുകയും ഗുരുതരമായി പരിക്കേല്‍ക്കുമായിരുന്നു.
പരിയാരത്തെ കണ്ണൂര്‍ ഗവണ്മെന്റ് മെഡിക്കല്‍ കോളേജില്‍ എത്തിച്ചെങ്കിലും ജീവന്‍ രക്ഷിക്കാനായില്ല.സഹോദരങ്ങള്‍:റഹിയാന്‍,മര്‍വ.