ദൈവമേ-!! കേരളത്തില്‍ ഇനി എന്തല്ലാം കാണണം, കേള്‍ക്കണം.
പരിയാരം: വാര്‍ദ്ധക്യപെന്‍ഷന്‍ മോഷ്ടിക്കാനായി വയോധികയെ തലക്കടിച്ച് വീഴ്ത്തിയെ 15 കാരനെതിരെ വധശ്രമത്തിന് പരിയാരം പോലീസ് കേസെടുത്തു.
പാണപ്പുഴ പറവൂരിലെ നെല്ലിക്കാതകിടിയേല്‍ പൊന്നമ്മ(67)നാണ് ഗുരുതരമായി പരിക്കേറ്റത്.
അയല്‍ക്കാരാണ് ഇവരെ പരിയാരത്തെ കണ്ണൂര്‍ ഗവ.മെഡിക്കല്‍ കോളേജിലെത്തിച്ചത്.
സെപ്തംബര്‍ ഒന്നിന് ഉച്ചയോേെടയായിരുന്നു സംഭവം.
വടികൊണ്ട് തലക്കടിയേറ്റ് അബോധാവസ്ഥയില്‍ വീണുകിടക്കുന്ന നിലയിലായിരുന്നു പൊന്നമ്മ.
അസുഖബാധിതനായ പൊന്നമ്മയുടെ മകനും ഇവര്‍ക്കും രണ്ട് മാസത്തെ പെന്‍ഷന്‍ തുക കഴിഞ്ഞദിവസം ലഭിച്ചിരുന്നു.
ഇത് തട്ടിയെടുക്കുന്നത് തടഞ്ഞപ്പോഴാണ് പൊന്നമ്മയെ മര്‍ദ്ദിച്ചത്.
ഇപ്പോള്‍ ഐ.സി.യുവില്‍ കഴിയുന്ന പൊന്നമ്മ അപകടനില തരണം ചെയ്തതായി ആശുപത്രി അധികൃതര്‍ പറഞ്ഞു.
പോലീസ് കസ്റ്റഡിയിലെടുത്ത പതിനഞ്ചുകാരനെ ജുവൈനല്‍ കോടതിയില്‍ ഹാജരാക്കി.