കടന്നപ്പള്ളിക്കാര്‍ക്ക് ബസ് കിട്ടും-കണ്ണൂര്‍ ഓണ്‍ലൈന്‍ന്യൂസ് ഇംപാക്ട്-
പരിയാരം: കടന്നപ്പള്ളിക്കാര്‍ വിഷമിക്കേണ്ട ബസ് ഓടിക്കാനുള്ള ശ്രമം ആരംഭിച്ചതായി എം.വിജിന്‍ എം.എല്‍.എ.
ഇന്നലെ പ്രസിദ്ധീകരിച്ച കടന്നപ്പള്ളിക്കാര്‍ക്ക് എന്ന് ബസ് കിട്ടും എന്ന വാര്‍ത്ത സംബന്ധിച്ച് കണ്ണൂര്‍ ഓണ്‍ലൈന്‍ ന്യൂസിനോട് സംസാരിക്കുകയായിരുന്നു എം.എല്‍.എ.
നല്ല വിശാലമായ റോഡുണ്ടെങ്കിലും പേരിന് പോലും ഒരു ബസില്ലാതെ വിഷമിക്കുന്ന കടന്നപ്പള്ളിക്കാരുടെ വിഷമം
മനസിലാവുന്നുണ്ടെന്നും ഇതിന് പരിഹാരം കാണാനുള്ള ശ്രമം തുടങ്ങിയിട്ടുണ്ടെന്നും അദ്ദേഹം പ്രതികരിച്ചു.
പൊതുവെ കോവിഡ് കാലത്ത് ബസ് ഗതാഗതം കുറഞ്ഞതും റൂട്ട് ലാഭകരമാണോ എന്ന സംശയവും നിലനില്‍ക്കുന്നുണ്ടെങ്കിലും ശ്രമം തുടരുകതന്നെയാണെന്ന് എം.എല്‍.എ പറഞ്ഞു.