അറബിക്കടലില് ചക്രവാതച്ചുഴി-21 വരെ വ്യാപകമായ മഴയെന്ന് സൂചന.
തിരുവനന്തപുരം: തെക്ക് പടിഞ്ഞാറന് അറബികടലില് ചക്രവാതചുഴി.
ബംഗാള് ഉള്കടലില് ന്യുന മര്ദ്ദ സാധ്യതയെന്ന് കാലാവസ്ഥാ വകുപ്പ്.
തെക്ക് കിഴക്കന് അറബികടലില് കേരള തീരത്തിന് സമീപത്തായാണ് ചക്രവാതചുഴി( cyclonic circulation ) നിലനില്ക്കുന്നത്.
ചക്രവാതചുഴിയില് നിന്നും വടക്ക് പടിഞ്ഞാറന് ബംഗാള് ഉള്ക്കടല് വരെ കേരള, തമിഴ്നാടിനു മുകളിലൂടെ ന്യുനമര്ദ്ദപാത്തി (trough) സ്ഥിതിചെയ്യുന്നു.
തെക്കന് ആന്ഡമാന് കടലിനു മുകളിലും ചക്രവാതചുഴി നിലനില്ക്കുന്നു.
ഒക്ടോബര് 20 ഓടെ വടക്ക് കിഴക്കന് ബംഗാള് ഉള്കടലില് ന്യുന മര്ദ്ദമായി ശക്തി പ്രാപിക്കാന് സാധ്യത.
തുടര്ന്നു പടിഞ്ഞാറു വടക്ക് പടിഞ്ഞാറന് ദിശയില് സഞ്ചരിച്ചു തുടര്ന്നുള്ള 48 മണിക്കൂറില് കൂടുതല് ശക്തി പ്രാപിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഇതിന്റെ ഫലമായി കേരളത്തില് കേരളത്തില് ഒക്ടോബര് 17 മുതല് 21 വരെ വ്യാപകമായ മഴക്ക് സാധ്യത.
ഒറ്റപ്പെട്ട സ്ഥലങ്ങളില് ശക്തമായ മഴ / ഇടി / മിന്നലിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിക്കുന്നു