ഡോ.ഷാഹുല്‍ഹമീദിന് ഹ്യൂമണ്‍റൈറ്റ്‌സ് പരസ്‌ക്കാരം സമ്മാനിച്ചു.
തിരുവനന്തപുരം: ഹ്യൂമണ്‍റൈറ്റ് ഫൗണ്ടേഷന്‍ ഡല്‍ഹിയുടെ നേതൃത്വത്തില്‍ എല്ലാ വര്‍ഷവും ഇന്ത്യയില്‍ നിന്നും മനുഷ്യാവകാശ പ്രവര്‍ത്തകരില്‍ നിന്നും തിരഞ്ഞെടുത്ത ഒരാള്‍ക്ക് നല്‍കി വരുന്ന ഹ്യൂമന്‍ റൈറ്റ്‌സ് പുരസ്‌കാരം എയറോസിസ് കോളേജ് ചെയര്‍മാനും ജീവകാരുണ്യ പ്രവര്‍ത്തകനുമായ ഡോ.ഷാഹുല്‍ഹമീദിന് സമ്മാനിച്ചു.
കേരള സംസ്ഥാന മനുഷ്യാവകാശ കമ്മീഷന്‍ ആക്ടിങ് ചെയര്‍മാന്‍ ജസ്റ്റിസ് ബൈജുനാഥ്, ജസ്റ്റിസ് കെ.പി.ബാലചന്ദ്രന്‍ എന്നിവരില്‍ നിന്നും തിരുവനന്തപുരത്ത് നടന്ന ചടങ്ങിലാണ് അവാര്‍ഡ് ഏറ്റുവാങ്ങിയത്.
H R F ദേശീയ ചെയര്‍മാന്‍ ഡോ.പി.സി.അച്ചന്‍കുഞ്ഞ് അദ്ധ്യക്ഷത വഹിച്ചു.
തിരുവനന്തപുരം ഇന്റസ്ട്രിയല്‍ ട്രിബൂണല്‍ ജഡ്ജ് സ്മിത ജാക്‌സന്‍, മുന്‍ തിരുവനന്തപുരം ജഡ്ജി അഡ്വ.ധര്‍മരാജ്, ചൈല്‍ഡ് വെല്‍ഫയര്‍ കമ്മിറ്റി ചെയര്‍മാന്‍ ഷാനിബ ബീഗം, അഡ്വ.സി.ആര്‍.ശിവകുമാര്‍ തുടങ്ങി നിരവധി പ്രമുഖര്‍ പങ്കെടുത്തു.