കിണറ്റില്‍ വീണ യുവാവിനെ അഗ്നിശമനസേന രക്ഷപ്പെടുത്തി-
തളിപ്പറമ്പ്: കിണറ്റില്‍ വീണ യുവാവിനെ അഗ്നിശമനസേന സാഹസികമായി രക്ഷപ്പെടുത്തി.
കുറുമാത്തൂര്‍ പയേരിയിലെ ശിവാലമഠത്തില്‍ മഹേഷ്(33)ആണ് ഇന്നലെ വൈകുന്നേരം മൂന്നോടെ വീടിന് സമീപത്തെ സി.എം.ശാന്ത എന്നവരുടെ കിണറ്റില്‍ വീണത്.
അറുപതടി താഴ്ച്ചയുള്ളതായിരുന്നു കിണര്‍. തളിപ്പറമ്പില്‍ നിന്നും അസി.സ്റ്റേഷന്‍ ഓഫീസര്‍ ടി.അജയന്റെ നേതൃത്വത്തിലെത്തിയ
അഗ്നിശമനസേനയിലെ ഫയര്‍ ആന്റ് റെസക്യൂ ഓഫീസര്‍ കെ.കെ. സുധീഷാണ് കിണറ്റിലിറങ്ങി വല ഉപയോഗിച്ച് മഹേഷിനെ പുറത്തെത്തിച്ചത്.
പരിക്കേറ്റ ഇദ്ദേഹത്തെ തളിപ്പറമ്പ് താലൂക്ക് ആശുപത്രിയില്‍ പ്രവേശിപ്പിച്ചു. സീനിയര്‍ ഫയര്‍ ആന്റ് റെസ്‌ക്യൂ ഓഫീസര്‍ പി.കെ.ജയരാജന്‍,
ഫയര്‍ ആന്റ് റെസ്‌ക്യൂ ഓഫീസര്‍മാരായ പി.കെ.സുനില്‍, കെ.ധനേഷ്, പി.വിജയ്, വി.ജയന്‍, കെ.പി.ഭാസ്‌ക്കരന്‍, രാജന്‍ പരിയാരന്‍ എന്നിവരും രക്ഷാദൗത്യത്തില്‍ പങ്കെടുത്തു.